“O‘zbekistonning sa’y-harakatlarini qo‘llab-quvvatlashda davom etamiz” — “BMT ayollar” tuzilmasining O‘zbekiston bo‘yicha vakili Jeren Guven

Samarqand shahrida 13—14-may kunlari “Xotin-qizlarning iqtisodiy, ijtimoiy va siyosiy huquq hamda imkoniyatlarini kengaytirish masalalariga mintaqaviy yondashuv” mavzusida Osiyo xotin-qizlari forumi o‘tkaziladi. Mazkur forum oldidan chet ellik soha mutaxassislari o‘z fikr-mulohazalarini bildirdi.

“BMT ayollar” tuzilmasining O‘zbekiston bo‘yicha vakili Jeren Guvenning aytishicha, BMT Ayollar tashkiloti O‘zbekistonning sa’y-harakatlarini qo‘llab-quvvatlashga davom etadi.

Biz Osiyo ayollar forumiga texnik ko‘mak ko‘rsatganimizdan mamnunmiz. Forumdagi yuqori darajadagi ishtirokimiz, shuningdek, Pekin Harakatlar platformasi va bo‘lajak B-plyus 30 sharhi, Komissiyaning 68-sessiyasi yakunlari kabi xalqaro shartnomalarga muvofiq O‘zbekistondagi ayollar va qizlarga sodiqligimizni ko‘rsatadi.

Birlashgan Millatlar Ayollar tashkiloti O‘zbekiston bilan ayollar va qizlarning farovonligi yo‘lida hamkorlikni davom ettirishga intiladi hamda mamlakat bilan hamkorlikni mustahkamlashda davom etadi, — dedi Jeren Guven.

Belarus ayollar ittifoqi raisi Olga Shpilevskayaning ma’lum qilishicha, forum 10 ta bo‘limdan iborat bo‘lib, har bir soha keng doirada muhokama qilinadi.

Bunga gender tengligi va ayollarning iqtisodiyotdagi, davlat boshqaruvidagi, jamiyat hayotidagi ishtiroki, atrof-muhit va oilaviy muammolari kiradi. Bularning barchasi ayollar uchun manfaatli hisoblanadi. Shu bois, o‘ylaymanki, bu tajriba almashish va muloqotlarimiz barcha mamlakat ayollari uchun foydali va muhim bo‘ladi.

Belarus xotin-qizlarining sizlar bilan bo‘lishmoqchi bo‘lgan ma’lumotlari yetarlicha, chunki jamoatchilik faoliyatimiz va jamoat tashkilotimiz mutlaqo barcha davlat organlari vakillari: biznes, sog‘liqni saqlash vakillarini o‘z ichiga olgan tashkilotdir, — dedi Olga Shpilevskaya.

Kuvayt Xotin-qizlar jamiyati raisi o‘rinbosari, xotin-qizlar jamiyatlari uyushmasi Boshqaruv kengashi a’zosi Doktor Hiyla Hammad al-Makaimining ta’kidlashicha, forum tajriba almashishdan boshlab, ayollar imkoniyatlarini kengaytirishga oid bir qancha masalalarga, shuningdek, gender tengligi, ayollar va oilaviy tadbirkorlar kabi tushunchalarga e’tibor qaratiladi.

Ayollar va bolalarga nisbatan kamsitishning barcha shakllariga barham berish kabi ayollar huquqlarini kengaytirishga bag‘ishlangan BMT Nizomini kuchaytirish va ta’kidlashga qaratilgan ayrim sessiyalar mavjud, — dedi Hiyla Hammad al-Makaimi.