AQSH Kongressi Vakillar palatasida respublikachilar universitet kampuslarida noqonuniy faoliyat yuritishda ayblanganlarni G‘azo sektoridagi jamoat ishlariga jo‘natish to‘g‘risidagi qonun loyihasini taqdim etdi. Bu haqda Fox News xabar berdi.
Qonun loyihasi respublikachilar Endi Ogls, Rendi Veber va Jeff Dunkan tomonidan talabalarning Falastinni qo‘llab-quvvatlash uchun davom etayotgan norozilik namoyishlari fonida taqdim etilgan. Norozilik namoyishlarini o‘z ichiga olgan noqonuniy faoliyatda ayblanganlarni “G‘azo sektorida olti oylik jamoat ishlariga” jo‘natish taklif qilinmoqda.
Talabalar boshqa talabalarni bezovta qilish va butun kampusni buzish uchun darslarni tashlab ketdi. Men qonun loyihasini kiritdim, unga ko‘ra, Amerika universiteti kampusidagi noqonuniy faoliyatda ayblangan shaxs G‘azoga jamoat ishlarini bajarish uchun kamida olti oyga yuborilishi kerak, — dedi Ogls.
Ayni damda Amerika universitetlarida Falastinni qo‘llab-quvvatlash maqsadida ommaviy norozilik namoyishlari o‘tkazilmoqda. Namoyishlar ko‘pincha politsiya va Isroil tarafdorlari bilan to‘qnashib, Isroilga moliyaviy yordam va qurol yetkazib berishni to‘xtatishni talab qilmoqda.
Amerika OAVga ko‘ra, AQSH politsiyasi Falastinni qo‘llab-quvvatlovchi namoyishlarda 1,5 mingdan ortiq odamni hibsga olgan.
Izoh (0)