Qirg‘iziston Qishloq xo‘jaligi vazirligi olti oyga tuxum importini taqiqlashni taklif qilmoqda. Qaror loyihasi jamoatchilik muhokamasiga qo‘yilgan. Bu haqda 24.kg xabar berdi.
Tegishli chora mahalliy tuxum ishlab chiqaruvchi korxonalarning murojaati munosabati bilan ko‘rib chiqilmoqda. Qishloq xo‘jaligi vazirligi respublikada so‘nggi ikki yilda parrandachilik jadal surʼatlarda o‘sayotgani, mahalliy ishlab chiqarish qariyb ikki baravar ko‘payganini taʼkidladi.
So‘nggi ikki yilda mahalliy ishlab chiqarish qariyb ikki baravarga oshib, 90-100 foizga yetgan. Bundan tashqari, yoz-kuz davrida xonadonlarda tuxum ishlab chiqarish sezilarli darajada ko‘payadi. Shunga mos ravishda, tuxumning saqlash muddati qisqaradi va omborlarda ortiqcha zaxiralar yuzaga keladi.
Qirg‘izistonda ishlab chiqarilgan tuxum ichki oziq-ovqat mahsulotlariga bo‘lgan talabni qondiradi va mintaqaning boshqa mamlakatlariga ham eksport qilinishi mumkin. Tuxum eksporti mamlakat uchun muhim daromad manbai bo‘lib, iqtisodiyotni rivojlantirishga hissa qo‘shishi mumkin, — deyiladi qonun loyihasiga ilova qilingan hujjatda.
Izoh (0)