Prezident Shavkat Mirziyoyev 8-may kuni Mudofaa vazirligining Markaziy harbiy klinik gospitaliga borib, Ikkinchi jahon urushi qatnashchilari holidan xabar olgani, sirdaryolik otaxon bilan suhbatlashib, uning iltimosiga binoan otaxonga uy sovg‘a qilmoqchiligi ma’lum bo‘lgandi.
Sirdaryo viloyati hokimligi axborot xizmati rahbari Zafar Mirrahimovning “Daryo”ga ma’lumot berishicha, viloyat hokimi Akmaljon Mahmudaliyev prezident topshirig‘idan so‘ng, otaxonga uy sovg‘a qilgan.
-NE4_oQjD.jpg)
Mas’ullarga ko‘ra, prezident bilan uchrashgan boyovutlik 101 yoshli otaxon O‘skan ota Hojimanov ayni paytda shifoxonada davolanayotgani bois yangi xonadon kaliti O‘skan otaning kelini va nabiralariga topshirilgan. Shuningdek, hokim bugun gospitalda ham bo‘lib, otaxonni tabriklagan.
Izoh (0)