Oq uy AQSHning Isroilga qurol yetkazib berishni to‘xtatganiga izoh bermayapti

Oq uy AQSHning Isroilga qurol yetkazib berishni to‘xtatganiga izoh bermayapti.

Oq uy matbuot kotibi Karin Jan-Pyer prezident samolyoti bortida bo‘lib o‘tgan brifingda “Ommaviy axborot vositalaridagi xabarlarga hech qanday izoh bermayman. So‘nggi bir-ikki kun ichida bizdan Isroilni himoya qilish bo‘yicha sodiqligimiz qat’iy ekanini bir necha bor eshitgansiz”, — dedi. 

Jan-Pyerning ta’kidlashicha, AQSH va Isroil G‘azo sektori janubidagi Rafah shahrining “aholining gumanitar ehtiyojlarini qondirish” masalasida aloqalarni davom ettirmoqda.

“Bu bizni tashvishga solayotgan narsa”, — dedi Oq uy matbuot kotibi. Ikki davlat vakillari Isroilning HAMAS harakatiga qarshi harakatlari mohiyatini o‘zgartirishni ham muhokama qilishmoqda.

“Bu munozaralar davom etmoqda va ular hozirgacha bizning xavotirlarimizni qondirmadi, deb aytishimiz mumkin”, — dedi Jan-Pyer.

AQSH o‘tgan hafta Isroil armiyasiga mahalliy ishlab chiqarilgan o‘q-dorilarni yetkazib berishni to‘xtatgani xabar berilgandi.