Ekologiya, atrof-muhitni muhofaza qilish va iqlim o‘zgarishi vazirligi tasarrufidagi “Surxon” davlat qo‘riqxonasida huquqbuzarlik holati aniqlandi. Bu haqda Surxondaryo viloyati ekologiya boshqarmasi xabar berdi.
Tezkor tadbir davomida fuqarolar — Termiz tumani “Gulbahor” mahallasida yashovchi E.A. va Qiziriq tumani “Mehnatobod” mahallasida yashovchi B.B. qo‘riqxona hududiga noqonuniy kirgani maʼlum bo‘lgan.
Holat yuzasidan fuqarolarga nisbatan Maʼmuriy javobgarlik to‘g‘risidagi kodeksining 82-moddasi (muhofaza etiladigan tabiiy hududlarning rejimini buzish) 1-qismiga asosan maʼmuriy bayonnoma rasmiylashtirilgan. Har bir fuqaro BHMning 10 barobari — 3 million 400 ming so‘m miqdorida jarimaga tortilgan.
- Avvalroq Toshkent viloyatida ekologiya inspektorlari brakonyerlar hujumiga uchragani xabar qilingandi.
- Huquqbuzarlar inspektorlarga hujum qilib, ularni suvga itarib yuborgan. Shuningdek, brakonyerlar inspektorlarning rezina qayig‘ini yorgan. Inspektorlar daryo qirg‘og‘iga suzib chiqqan.
- Bosh prokuratura hujum qilgan shaxslarga nisbatan jinoyat ishi qo‘zg‘atilganini ma’lum qilgan.
Izoh (0)