O‘zbekistonda Narkotiklarni nazorat qilish milliy markazi tashkil etilmoqda.
Milliy markazning asosiy vazifalari etib quyidagilar belgilanmoqda:
- narkovaziyatni hududlar kesimida ilmiy-amaliy va axborot-tahliliy jihatidan tizimli ravishda chuqur o‘rganib borish, asosiy omillar hamda tendensiyalarni aniqlash va prognoz qilish;
- giyohvandlik vositalarini nazorat qilish sohasidagi davlat siyosatining asosiy yo‘nalishlarini shakllantirish, qonunchilik va huquqni qo‘llash amaliyotini takomillashtirish yuzasidan takliflar ishlab chiqish;
- mutasaddi davlat organlari tomonidan ko‘rilayotgan choralarning samaradorligini ekspert jihatidan baholash, bu borada yagona axborot almashinuvi va idoralararo hamkorlikni tashkil etish, xalqaro grantlarni jalb qilish orqali ularni zamonaviy texnik uskunalar bilan taʼminlash;
- xorijiy davlat tuzilmalari va xalqaro tashkilotlar bilan manzilli hamkorlikni o‘rnatish, O‘zbekiston tomonidan amalga oshirilayotgan ishlar yuzasidan BMTga yillik maʼruzalar tayyorlash;
- ilg‘or milliy va xorijiy tajribalarni doimiy o‘rganish hamda uning natijalarini joriy etish va ommalashtirish bo‘yicha metodika, taklif va tavsiyalarni ishlab chiqish, masʼul davlat organlari xodimlarining malakasini oshirish bo‘yicha o‘quv seminarlarini tashkil etish.
Milliy markaz:
- tasdiqlanadigan milliy dasturlar ijrosini muntazam monitoring qilib, chora-tadbirlar bo‘yicha davlat organlariga taqdimnoma va taklif kiritadi;
- giyohvandlik vositalarini nazorat qilishda erishilgan natijalarni (aniq ko‘rsatkichlar aks ettirilgan axborotni) doimiy ravishda keng jamoatchilikka yetkazib boradi;
- har uch oyda O‘zbekiston Respublikasida giyohvandlik va narkojinoyatlarga qarshi kurashish bo‘yicha 2024 – 2028-yillarga mo‘ljallangan milliy strategiyasi ijrosi va respublikadagi narkovaziyat yuzasidan umumlashtirilgan hisobotni Giyohvandlik vositalari ustidan nazorat qilish bo‘yicha davlat komissiyasiga kiritadi;
- har yil yakunida Strategiya ijrosi va respublikada narkovaziyatni yaxshilash bo‘yicha amalga oshirilgan ishlar natijalari yuzasidan yillik milliy maʼruzani tayyorlab, O‘zbekiston Respublikasi Prezidenti huzurida muhokama qilish uchun kiritadi.
Izoh (0)