Yerni ketma-ket to‘rtinchi kun kuchli magnit bo‘roni qopladi. Bunday kunlarda hatto sog‘lom odamlar salomatligida ham o‘zgarishlar kuzatiladi. Bu haqda Meteoagent xabar berdi.
Prognozlarga ko‘ra, 3-may kuni K-indeksida 7 balli magnit bo‘roni kuzatilmoqda. 30-aprel va 1-may kuni 6 balli, 2-mayda esa 7 balli magnit bo‘roni qayd etilgan. Olimlar hodisaning sabablari hali to‘liq tushunilmaganini aytmoqda. Magnit bo‘ronlari hatto o‘rta kuchga ega bo‘lsa ham, inson salomatligiga salbiy ta’sir ko‘rsatadi.
Magnit bo‘roni salbiy ta’sirining eng keng tarqalgan ko‘rinishlari quyidagilar:
- bosh aylanishi va bosh og‘rig‘i;
- uyqu buzilishi;
- diqqatni jamlash bilan bog‘liq muammolar;
- qon bosimning buzilishi;
- surunkali kasalliklarning kuchayishi;
- og‘riqlar, shuningdek, bo‘g‘imlardagi og‘riq;
- ishtaha buzilishi va ko‘ngil aynishi;
- holsizlik.
Bunday kunlarda organizmga yordam berish uchun kuniga kamida 7-8 soat uxlash maslahat berilgan. Ratsiondan yog‘li va achchiq ovqatlarni olib tashlab, kuniga kamida 2 litr suv ichish tavsiya qilinadi. Qahva miqdorini kamaytirib, o‘simliklardan tayyorlangan choy iste’mol qilish kerak.
Shuningdek, kontrastli dush, ertalabki mashqlar, toza havoda yurish, yugurish magnit bo‘roni fonida salomatlikni yaxshilashga hissa qo‘shadi.
- Eslatib o‘tamiz, 23-aprel kuni Quyoshda bir vaqtning o‘zida to‘rtta megachaqnash qayd etilgandi.
- O‘shanda mutaxassislar magnit bo‘ronlari kuzatilishidan ogohlantirgan edi.
Izoh (0)