O‘zbekiston va Jibuti diplomatik munosabatlar o‘rnatdi. Bu haqda “Dunyo” AA xabar berdi.
Ma’lum qilinishicha, 2-may kuni ushbu davlatlar o‘rtasida diplomatik munosabatlar o‘rnatish to‘g‘risida qo‘shma kommyunike imzolandi. Ikki davlat hukumatlari nomidan hujjatni O‘zbekistonning BMTdagi doimiy vakili Ulug‘bek Lapasov va Jibutining BMTdagi doimiy vakili Mohamed Dualeh imzolagan.
Sharqiy Afrikada joylashgan ushbu davlat O‘zbekiston bilan diplomatik aloqalar o‘rnatgan 149-davlat hisoblanadi. 19-mart kuni G‘arbiy Afrikada joylashgan Gambiya O‘zbekiston bilan diplomatik aloqalar o‘rnatgan 148-davlat bo‘lgandi.
Izoh (0)