“Uddaburon bolalar”, “Asherlar uyining qulashi” kabi filmlarda yorqin rollari bilan esda qolgan amerikalik aktrisa Karla Gudjino yangi filmda bosh rol — Viviyen Li obrazini ijro etadi. Film nomi “Gulchi” (The florist) deb nomlanadi. Bu haqda “Pravila jizni” nashri xabar bermoqda.
Foto: Kinorium
Bayopik filmdagi voqealar 1960-yillarda bo‘lib o‘tadi. Unda Viviyen Li Brodveyda bo‘lib o‘tadigan Anton Chexov qalamiga mansub “Ivanov” spektakliga tayyorgarligi haqida hikoya qilinadi. Shuningdek, “Gulchi” filmida aktrisaning Ikkinchi jahon urushi qatnashchisi va kasbi gulchi bo‘lgan Jozef Penn bilan munosabatlari hamda Viviyenning sog‘lig‘i bilan bog‘liq muammolar haqida ham so‘z boradi.
Ma’lumki, “Shamollarda qolgan hislarim” va “Orzular tramvayi” filmlari uchun “Oskar” mukofotini qo‘lga kiritgan Li bipolyar tushkunlik va sil kasalligidan aziyat chekkan.
Menga Viviyen kabi murakkab, ziddiyatlarga to‘la, ammo o‘ta jozibali ayol obrazini gavdalantirish imkoniyati berilganidan g‘oyat mamnunman. Ssenariyni o‘qishim bilanoq “Gulchi” filmi men, albatta, otlanishim kerak bo‘lgan ajoyib sayohat bo‘lishini angladim, — dedi Karla Gudjino.
Film rejissyori Nik Sandou (“Olovrang — mavsum hiti” va “Amerika malikasi”), ssenariy muallifi esa Jeys Bartok (“Shirin tunlar”)dir.
Ushbu loyihada meni ziddiyatlarga boy yorqin ssenariy jalb qildi. Filmda muhabbat, psixologik kasallik, mashhurlik cho‘qqisi va haqiqiy san’at haqida so‘z boradi, — dedi Gudjino.
Izoh (0)