Rossiyada murakkab vaziyatda qolgan o‘zbekistonliklarga moddiy yordam berildi

Rossiyada murakkab vaziyatda qolgan o‘zbekistonliklarga moddiy yordam berildi, deb xabar bermoqda Tashqi mehnat migratsiyasi agentligi. 

Ma’lum qilinishicha, Nijegoroddagi “Shatovka”, “Lyon”, Lipetskdagi “Lipetsk KXM”, “Yunikom Delta” korxonalarida ishlayotgan yurtdoshlar va ularning ish beruvchilari bilan uchrashuvlar tashkil etildi.

Nijniy Novgorod, Ivanovo hamda Voronej shaharlarida murakkab vaziyatda qolgan yurtdoshlarga moddiy va huquqiy yordam ko‘rsatildi. Samarada ishlayotgan hamyurtning oylik maoshi va hujjatlari ish beruvchidan olib berildi.

Novosibirsk va Xabarovskda qiyin ahvolda qolgan yurtdoshlarga aviachipta olib berilib, vatanga qaytarildi.