Qirg‘iziston Ichki ishlar vazirligi respublikadagi “O‘lmas polk” yurishini bekor qildi. Bu qaror xavfsizlik nuqtayi nazaridan qabul qilingan, deya ta’kidladi vazirlik. Tadbir onlayn tarzda o‘tishi ham mumkin.
“Odamlar gavjum joylarda jinoyat sodir etish xavfining oldini olish, jamoat tartibi va xavfsizligini taʼminlashga qaratilgan kompleks chora-tadbirlarni amalga oshirmoqdamiz”, — deyiladi boshqarma matbuot xizmati xabarida.
“O‘lmas polk” Qirg‘izistonda 2014-yildan beri o‘tkazib kelinmoqda. Ommaviy yurish faqat 2020-yilda koronavirus pandemiyasi sababli bekor qilingandi.
Ma’lumot uchun, bu yil xavfsizlik nuqtayi nazaridan Rossiyada ham “O‘lmas polk” yurishini o‘tkazmaslikka qaror qilingan.
Izoh (0)