Markaziy Osiyo davlatlariga tashqi kuchlar tomonidan bosimlar davom etmoqda. Bu haqda O‘zbekiston prezidenti huzuridagi Xavfsizlik kengashi kotibi Viktor Mahmudov xavfsizlik masalalari bo‘yicha oliy vakillarning XII xalqaro yig‘ilishida gapirdi, deb xabar beradi “TASS”.
O‘zbekiston Markaziy Osiyo mintaqasiga tashqi siyosatning ustuvor yo‘nalishi sifatida qaraydi va bu mintaqada tinchlik, xavfsizlik va ishonch makonini o‘rnatish bo‘yicha faol saʼy-harakatlarni amalga oshirmoqda. Bugungi kunda, afsuski, mintaqa davlatlari Markaziy Osiyo mamlakatlarining milliy manfaatlarini hisobga olmasdan, tanlashga undayotgan tashqi kuchlar bosimini boshdan kechirishda davom etmoqda, — deydi Mahmudov.
Xavfsizlik masalalari bo‘yicha oliy vakillarning XII xalqaro yig‘ilishi Sankt-Peterburgdagi “Ekspoforum”da bo‘lib o‘tmoqda.
Eslatib o‘tamiz, Qoraqalpog‘istonning Nukus shahridagi konstitutsion islohotlardan norozi bo‘lgan fuqarolarning noqonuniy namoyishlari bo‘lib o‘tdi. Jo‘qorg‘i Kengesning ma’lum qilishicha, axborot xurujlari va ro‘y berayotgan voqealarni qasddan buzib ko‘rsatish orqali ta’sir qilishga urinishlar qayd etilgan.
Keyinroq prezident O‘zbekistondagi vaziyatni beqaror etish va izdan chiqarishga urinish holatlari haqida gapirgan edi. “Ularning asosiy maqsadi jamiyatni parokanda qilish, davlatimiz tomonidan olib borilayotgan bunyodkorlik siyosatiga bo‘lgan ishonchni susaytirish, O‘zbekistonning hududiy yaxlitligiga putur yetkazishdan iborat”, — degandi davlat rahbari.
Izoh (0)