Afsuski, teleseriallardan farqli o‘laroq dramatik janrdagi filmlar kamdan-kam hollarda baxtli yakunlanadi. Shunga qaramay, ular har qanday tomoshabinni ekran qarshisiga mixlab qo‘ya oladi.
“Sen mening uyimsan”
Bosh rollarda O‘zjan Deniz va Fahriye Evjen.
Bosh qahramonlar — Iskandar va Leyla. Ular hayotda ko‘p fojialarni, yaqinlarining xiyonatini boshdan kechirganidan keyin uchrashadi. Ruhi yaralangan bu qahramonlar o‘rtasida o‘zaro qiziqish uyg‘onadi. Ular birga yashab, bir-birlariga tobora ko‘proq bog‘lanib qoladi.
Ammo baxt abadiy davom etmaydi, Leylaning kasal ekanligi ma’lum bo‘ladi. U asta-sekin xotirasini yo‘qotadi, hayoti haqida hamma narsani — yaqinlarini unutadi. Qiz sevgilisining qalbini og‘ritmaslik uchun Iskandarning hayotini tark etishga qaror qiladi. U sevgisini tan oladigan ta’sirli maktub qoldirib ketadi.
Biroq Iskandar bunga ko‘nmaydi, sevgilisini topishga harakat qiladi. Lekin qizning iltimosiga ko‘ra, Leylaning oilasi uning qayerdaligini yashiradi, davolanish uchun chet elga ketganini aytadi.
Ammo baribir oxirgi uchrashuv bo‘ladi. Iskandar sevgilisini otasining uyidan olib ketish uchun keladi. Leyla uni avvaliga tanimaydi, keyin esa eslaydi va sevganining bag‘rida jon beradi.
“Olov va suv”
Bosh rollarda O‘zjan Deniz va Yasemin Allen.
-csprnWfZ.png)
Hashmet va Yag‘murning kutilmagan uchrashuvi sevgiga aylanadi. Hashmet tajribali erkak, Yag‘mur esa yosh qiz, hayotda tajribasiz.
Bir-birini sevib qolgan juftlik majburan ajraladi. Hashmet qonli adovatni tugatish uchun unga dushman bo‘lgan oilaning qiziga uylanishga majbur bo‘ladi. Yag‘mur esa undan farzand kutayotganini yashirib, boshqa davlatga ketib qoladi.
-dZkeQhvn.jpg)
Heshmet majburan uylangan ayol bilan baxtli bo‘la olmaydi, garchi u xotiniga hurmat bilan munosabatda bo‘lsa ham. Ular farzand ko‘rolmaydi. Yag‘mur esa boshqa turmushga chiqmaydi, o‘g‘lini yolg‘iz tarbiyalaydi. Ammo bir necha yil o‘tgach, sobiq oshiqlar yana uchrashadi va qalbdagi tuyg‘ular yangi kuch bilan alangalandi. O‘g‘li haqida bilgan Heshmet sevgilisi bilan uchrashish va o‘g‘lini birga tarbiyalash uchun ajrashishga qaror qiladi. Ammo mafiya hech kimni o‘z changalidan osonlikcha chiqarib yubormaydi.
“Bir nafas kifoya”
Bosh rollarda: Sechkin O‘zdemir va Tuvana Turkay.
Yaman sevgilisining o‘limida o‘zini aybdor deb hisoblagani uchun butun dunyodan uzilib, yolg‘iz yashayotgan yigit. U mashina boshqaruvini yo‘qotib, avtohalokatga uchraydi.
Nefes bilan kutilmagan uchrashuv uni hayotga qaytaradi. Yoshlar o‘rtasida samimiy tuyg‘ular paydo bo‘ladi va Yaman taqdir unga baxtli bo‘lish uchun yana bir imkoniyat berganini his qiladi.
To‘satdan yigit sevgilisining og‘ir kasal ekanligini bilib qoladi. Nefes o‘lsa, yashay olmasligini anglagan Yaman o‘z joni evaziga qizning hayotini saqlab qoladi.
“7-bo‘lmadagi mo‘jiza”
Bosh rollarda: Aras Bulut İynemli va Nisa Sofiya Aksong‘ur
-72mjDc2m.png)
Bu film, bir tanqidchi aytganidek, “toza havo”, hayotdagi mo‘jizaning isboti, yaxshilik har doim yovuzlik ustidan g‘alaba qozonishi haqidagi ishonchdir. Adolat, mehr-muhabbat, sadoqat, inson qalbining musaffoligi, odam qalbining tubida ham mo‘jizaga ishonishi halol, rahm-shafqatli bo‘lishiga umid uyg‘otadi.
Soxta ayblov bilan qamoqqa tushgan aqli noqis yigit bilan uchrashuv mahbuslar, u bilan bir kamerada o‘tirgan jinoyatchilar qalbida uzoq vaqtdan beri uxlab yotgan tuyg‘ularni uyg‘otadi.
-YOn0W1-8.png)
Odatiy syujet inson qalbining mehr-shafqat, hamdardlik kabi torlariga mohirlik bilan ta’sir qiladi.
“Bo‘sh kelma, o‘g‘lim”
Bosh rollarda Kivanch Tatlitug‘ va Alihan Turkdemir
-43sCGwzW.png)
Bu film otaning o‘g‘liga bo‘lgan mehr-muhabbati haqida. Ali otasi bilan dengiz qirg‘og‘ida baliqchilik qilib kun kechiradi. Bir kuni u o‘g‘li borligini bilib qoladi. Ammo Efe g‘ayrioddiy bola, autizmdan aziyat chekadi, onasi o‘g‘lini tarbiyalashni xohlamay, Aliga tashlab ketadi.
O‘g‘li bilan muloqot qilish qiyin, u o‘z dunyosida yashaydi, boshqalar bilan gaplashmaydi. Alining yagona istagi — o‘g‘li bilan aloqa o‘rnatish va bir bor bo‘lsa-da o‘g‘lining ko‘ziga qarash.
-bgH1-95W.png)
Bir kuni Ali Efening musiqiy qobiliyati borligini payqab qoladi va uni rivojlantirishga harakat qiladi. Shu kundan boshlab uning hayoti o‘zgara boshlaydi. Endi u bor kuchi bilan o‘g‘liga yordam berishga harakat qiladi. Kichkina Efening sahnada chiqish qilishi, hayajonlangan otaning sahna ortida turib, o‘g‘lining ko‘ziga qarashini so‘rashi eng ta’sirli lahzadir. Yigit esa tomoshabinlarning olqishlari ostida sahnadan tushadi va birinchi marta otasiga qaraydi.
“Yovvoyi asal”
Bosh rollarda Chag‘atay Ulusoy va Leyla Lidiya Tug‘utlu
-8-JmxZiX.png)
Bu go‘zal va qayg‘uli sevgi hikoyasi. Barish va Fusun — universitet talabalari. Qiz a’lochi talaba va butun vaqtini o‘qishga bag‘ishlaydi, chunki u o‘ziga va ota-onasiga universitetni imtiyozli diplom bilan tugatib, Amerikada o‘qishni davom ettirishga va’da bergan. Yigit esa arxitektura fakulteti talabasi, talabalar ansamblida baraban chalishni va do‘stlari bilan dam olishni yaxshi ko‘radi. Barish Fusunni bir qarashda sevib qoladi, lekin qiz yigitni yoqtirsa-da, u bilan uchrashishga rozi bo‘lmaydi. Axir, sevgi orzularini amalga oshirishga to‘sqinlik qilishi mumkin. Ammo oxir-oqibat qiz yigitning his-tuyg‘ulari bosimi ostida taslim bo‘ladi.
-qt9oKSnn.png)
Yoshlar o‘qishni tugatgandan so‘ng turmush quradi. Barish xotinini yaxshi ko‘rar va har doim uni xursand qilishga harakat qiladi. Ammo yigit ruhiy kasal edi — bipolyar shaxsiyat buzilishi — u g‘azabini nazorat qila olmaslikdan aziyat chekadi. Nihoyat u kasalligi tufayli kelajakda paydo bo‘lishi mumkin bo‘lgan muammolardan “sevgilisini qutqarishga” qaror qiladi.
“Ishonchli qo‘llarda” (2022)
Bosh rollarda: Kaan Urganjio‘g‘lu, Asli Enver, Mert Eje Ak.
Bosh qahramon Melisa og‘ir kasal ekanini va 6 oylik umri qolganini bilib qoladi. Lekin tez orada vafot etishidan emas, yaqin qarindoshlari bo‘lmagani uchun o‘limidan so‘ng yolg‘iz qoladigan o‘g‘lidan xavotirda. Dugonasining maslahatiga quloq solib, o‘limidan keyin o‘g‘liga g‘amxo‘rlik qiladigan ishonchli odamni topishga qaror qiladi va uni topadi ham. Ko‘p yillar o‘tgach, u farzandini o‘g‘li borligini bilmaydigan otasi bilan tanishtiradi.
-GbRpJ5sv.png)
Ko‘p yillar o‘tib kutilmagan uchrashuv Melisa va Firatni yana birlashtiradi. Firat hayotda ko‘p narsaga erishgandi — uning daromadli biznesi, yaxshi uyi bor, lekin qalban yolg‘iz va o‘zi baxtli bo‘ladigan yagona odamni qidiradi. Firat sevgilisini topganidan xursand, lekin Melisa og‘ir kasal. Bir paytlar unga oshiq bo‘lgan, hozir sevib qolgan qiz farzandining onasi bo‘lganini, endi taqdir taqozosi tufayli ularning juda oz fursati borligini tushunish u uchun og‘ir kechadi.
Izoh (0)