Suriyada jangovar harakatlarda qatnashib kelayotgan o‘zbekistonlik erkak qidirilmoqda

Suriyada jangovar harakatlarda qatnashib kelayotgan o‘zbekistonlik erkak qidirilmoqda, deb xabar bermoqda Toshkent viloyati IIBB. 

Ma’lum qilinishicha, Vahobov Husan 1991-yilda Toshkent viloyatida tug‘ilgan. Millati o‘zbek, ma’lumoti o‘rta maxsus. Muqaddam Yangiyo‘l tumanida yashagan. 2017-yili ishlash maqsadida Turkiyaning Istanbul shahriga borgan. 

Ijtimoiy tarmoqlar orqali diniy ekstremistik va terroristik g‘oyalarni targ‘ib qiluvchi Sodiq Samarqandiy, Abdulloh Zufar va Abu Salohlarning video va audiomateriallari ta’siriga tushishi natijasida 2018-yilda jihod qilish, Suriyadagi janglarda ishtirok etish maqsadida “Tavjhid va jihod katibasi” xalqaro terroristik tashkiloti a’zosiga aylangan va u yerda jangovar harakatlarda qatnashib kelmoqda. 

Hozirda unga nisbatan jinoyat ishi qo‘zg‘atilib, qidiruv e’lon qilingan.