Boshqa ko‘plab xitoy filmlari singari bu seriallarda ham faol syujet yo‘q. Aktyorlar ijrosi ham ko‘pchilik tomonidan tanqid qilingan. Ammo eng hayratlanarlisi shundaki, mazkur seriallar hali ham sevib tomosha qilinadi. Birinchi epizoddanoq o‘zgacha zavq olasiz.
“Yashirin muhabbat”
Syujet juda oddiy, hatto biroz tanish tuyuladi — yoshgina qiz akasining do‘stini sevib qoladi, ammo u yigit his-tuyg‘ulariga javob bermasligini biladi. Vaqt o‘tishi bilan qiz ulg‘ayib, sevgilisi yashaydigan shahardagi universitetga boradi.
“Okeanlar osha”
Su Man sayyohlik korporatsiyasida ishlaydi, lekin shaxsiy hayotida qiyin kunlarni boshdan kechirmoqda. U eri bilan ajrashgach, vataniga qaytadi va kompaniya filiallaridan biriga rahbarlik qiladi. Tabiiyki, ofisda Su Manning shaxsiy hayoti haqidagi yoqimsiz mish-mishlar tarqaladi, ammo uni bu vaziyatdan kutmagan odami qutqaradi.
“Seni deb”
Avvaliga hamma ustidan kulgan, ammo vaqt o‘tib, o‘zining mehnati bilan qo‘shnilarning mehrini qozongan qiz haqidagi qiziqarli drama. Sirlar, jumboqlar, kutilmagan syujet burilishlari — bu serialni tomosha qilish uchun hamma narsa mavjud. Albatta, bosh qahramonning raqibi ham bor.
“1949-yilda yo‘qolganlar”
Ushbu tarixiy drama kommunistik josuslar guruhi haqida hikoya qiladi. Tomosha qilish qiziqarli va hayajonli. Chen Kunning qoyilmaqom ijrosini tomosha qilish esa o‘zgacha zavq beradi. U hech qachon muxlislarini xafa qilmaydi.
“So‘ngan yulduzlar bog‘i”
Filmda bosh qahramon oddiy mehnatkash va aqlli qiz bo‘lib, u o‘z qobiliyati tufayli mamlakatdagi eng nufuzli kollejlardan biriga o‘qishga kiradi. Kollejda uni yo‘ldan urishga harakat qiladigan yosh va boy yigitlarni uchratadi. Biroq nafratdan sevgigacha bo‘lgan masofa bir qadam, xolos.
“Faqat seni sevaman”
Qarama-qarshi xarakterlar haqidagi murakkab drama. Bosh qahramon — hech bir ishning oqibati haqida o‘ylamaydigan bezori qiz va uning sinfdoshi — o‘ta mas’uliyatli yigit va maktabning eng yaxshi o‘quvchisi. Biroq hayot ularga birga o‘qishni davom ettirishga imkon bermaydi. Ammo kelajakda ular yana uchrashadi va bir-birlariga nisbatan iliq tuyg‘ularni his qilishadi.
“Ertaklardan kelgan oshiqlar”
Fantaziya mavzusi xitoylik prodyuserlarni ham befarq qoldirmaydi, shuning uchun ular ertak-hikoyalarni yaratishda davom etmoqda. Biroq bu ertak-film real hayotga juda yaqin va bu uni yanada qiziqarli qiladi. Umuman olganda, syujet biroz odatiy ko‘rinishi mumkin. Yigit sirli va sovuqqon, qiz esa unda sevgi uyg‘otishi mumkin bo‘lgan yagona odam. Tomosha qilgan vaqtingizga afsuslanmaysiz.
Izoh (0)