Buyuk yapon rejissyori Hayao Miyazakining animelar bo‘yicha daholigiga shubha yo‘q. Lekin bu chuqur o‘yga toldiradigan ajoyib animatsiyalarni boshqalar yaratolmaydi degani emas.
“Maxluqning shogirdi”, Mamoru Hosoda (2015)
9 yoshli Ren ismli bola ota-onasi ajrashganidan keyin birga yashayotgan onasidan ayriladi. U biologik otasini topa olmaydi, lekin qonuniy vasiylari bilan ham yashashni istamaydi — shuning uchun bosh qahramon uydan qochib ketadi. Ren Sibuya ko‘chalarida yirtqich hayvonlar yashaydigan parallel dunyoga tushib qoladi. Bolakay ayiqqa o‘xshagan maxluqqa shogird bo‘ladi va shu yerdan ularning do‘stligi boshlanadi.
“Sening isming”, Makota Sinkay (2016)
Mitsuhi Miyamizu ismli qiz qishloqdagi shaharchada yashaydi, lekin katta shaharni orzu qiladi. Uning orzusi juda kutilmagan tarzda amalga oshadi — bir kuni u Taki Tachibana ismli bola bilan tanasi almashib qolayotganini bilib qoladi. Vaqt o‘tishi bilan ikkalasi bir-biri bilan tanishib, hatto do‘st bo‘lishadi. Ammo bir kun ular tanalarini almashtirishni to‘xtatadi, chunki Taki Mitsuhini topishga qaror qiladi.
“Yonarqo‘ng‘izlar qabri”, Isa Takahata (1988)
Urush nima ekanligi va u begunoh bolalar uchun qanchalik halokatli bo‘lishi haqidagi samimiy va og‘riqli anime. Isao Takahata haqiqatan ham Hayao Miyazakining eng yaqin hamkorlaridan biri, shuning uchun animatsiya mavzusi biroz o‘xshash bo‘lisi mumkin.
Bu animeni tomosha qilish jarayonida og‘riq, umidsizlik, ishtiyoq, sevgi, g‘azab — bularning barchasi syujet voqealari bilan aralashib ketadi.
“Ame va Yuki — bo‘ri bolalari”, Mamoru Hosoda (2012)
Hana ismli yosh ayol bo‘ridan tug‘gan ikki nafar farzandini katta qilmoqda. Ame va Yukining otasi ov paytida o‘ldirilgan. Ona barcha muammolarni o‘zi hal qilishi va shu bilan birga farzandlarini begona ko‘zlardan yashirishi kerak. Asosiysi, onaning ham, uning bolalarining ham barcha muammolari odamlarga juda tanish, garchi hikoya yarim odam, yarim bo‘rilar haqida bo‘lsa ham.
“Paprika”, Satoshi Kon (2006)
Yaqin kelajakda ixtirochi boshqa odamlarning tushlariga kirish imkonini beruvchi qurilmani o‘ylab topadi. Psixoterapevt Atsuko ushbu qurilmadan bemorlarining ongsizlik holati bilan ishlashda foydalanadi. Bemorlarning tushlarida u Paprika ismli mallasoch qiz sifatida namoyon bo‘ladi. Biroq noma’lum jinoyatchilar qurilmani o‘zlashtirib, oddiy va ruhiy sog‘lom odamlarni ham aqldan ozdirishni boshlaydilar.
Satoshi Kon Yaponiyadagi eng noodatiy rejissyorlardan biri. Uning mahorati Hayao Miyazaki bilan deyarli bir xil. Animeda, shuningdek, “Muqaddima” filmiga juda o‘xshash kadrlar bor. Kristofer Nolan ushbu animedan ilhomlangan bo‘lishi ham mumkin.
Izoh (0)