Bu yil Rossiyada “O‘lmas polk” marshi o‘tkazilmaydi, bu haqda Davlat dumasi deputati Yelena Tsunayevaga tayanib BBC xabar berdi.
Xabarga ko‘ra, tashkilotchilar marshni bekor qilish qarorini “xavfsizlik sabablari” bilan izohlagan.
Moskva va Rossiyaning boshqa ko‘plab viloyatlaridagi “O‘lmas polk” marshi ketma-ket ikkinchi yil bekor qilindi. 2023-yilda Moskvada, Ukraina bilan chegaradosh hududlarda, shuningdek, anneksiya qilingan hududlarda va Rossiyaning boshqa ko‘plab viloyatlarida marshlar o‘tkazilmagan.
2022-yilda Rossiya-Ukraina urushi boshlanganida, Moskvada “O‘lmas polk” aksiyasi o‘tkazilgan va unda Rossiya prezidenti Vladimir Putin ishtirok etgan edi.
“O‘lmas polk” marshi 10 yildan ortiq vaqtdan beri o‘tkazib kelinmoqda. Ko‘chalarda frontdagi askarlarning qarindoshlari ularning portretlari bilan yurishi g‘oyasi birinchi marta 2012-yilda Tomskda paydo bo‘lgan, keyinchalik ommalashgan va 9-maydan boshlab butun Rossiya bo‘ylab bunday yurishlar bo‘lib o‘tgan.
2015-yildan beri rasmiylar “O‘lmas polk”ni tashkil etishda faol ishtirok eta boshlagan.
Izoh (0)