Namanganda 2024-yili undiruvchilar foydasiga 22,7 mlrd so‘m aliment qarzdorligi undirildi. Bu haqda Bosh prokuratura matbuot xizmati xabar berdi.
Maʼlum qilinishicha, MIBning Namangan viloyati boshqarmasi va uning hududiy bo‘limlari ish yurituvida voyaga yetmaganlarning moddiy taʼminoti va aliment undiruvi bilan bog‘liq 24 961 ta ijro hujjatlari mavjud bo‘lib, olib borilgan ijro harakatlari davomida 2024-yilning o‘tgan davrida undiruvchilar foydasiga 22,7 mlrd so‘m miqdoridagi aliment qarzdorligi undirilishi taʼminlandi.
Shuningdek, aliment to‘lashdan bo‘yin tovlab kelgan 646 nafar qarzdor shaxslarga nisbatan maʼmuriy ishlar qo‘zg‘atilib, mazmunan ko‘rib chiqish uchun sudlarga yuborilgan.
Qo‘llanilgan maʼmuriy jazodan tegishli xulosa chiqarmay, aliment to‘lashdan bo‘yin tovlagan 32 nafar qarzdor shaxsga nisbatan jinoyat ishlari qo‘zg‘atilgan.
Izoh (0)