Luka Modrich yana bir mavsum “Real”da qolishni reja qilmoqda

Madridning “Real” klubi yarim himoyachisi Luka Modrich jamoada yana bir yil qolish istagini bildirdi, deb xabar beradi AS.

Joriy mavsumda Modrich 38 ta o‘yin o‘tkazib, 2 ta gol urdi va 6 ta golli uzatmani amalga oshirdi.

Modrich 2012-yilning avgustida “Tottenhem”dan “Real”ga o‘tgan edi. Transfer summasi 35 million yevroni tashkil qilgan futbolchining klub bilan shartnomasi 2024-yilning yoziga qadar tuzilgan. Transfermarkt 38 ​​yoshli futbolchini 8 million yevroga baholamoqda.

Luka Modrich “Real” bilan 3 marta Ispaniya chempioni, ikki marta Ispaniya kubogi va besh marta Ispaniya Superkubogini qo‘lga kiritgan. Xalqaro maydonda yarim himoyachi besh marta Chempionlar  Ligasida, shuningdek, to‘rt marta UEFA Superkubogi va to‘rt bora klublar o‘rtasidagi jahon chempionatida g‘olib chiqqan.