O‘zbekistonlik sportchilar tomonidan qo‘lga kiritilgan Olimpiada litsenziyalari soni 36 taga yetdi.
Ushbu yo‘llanmani Rasuljon Abdurahimov taqdim etdi. Xalqaro gimnastika federatsiyasi sport gimnastikasi bo‘yicha Jahon kubogi bosqichlarining yakuniga ko‘ra Parij—2024 yozgi Olimpiya o‘yinlariga yo‘llanma olgan atletlar nomini e’lon qildi.
Unga ko‘ra, o‘zbekistonlik Rasuljon Abdurahimov parallel brus yo‘nalishidagi muvaffaqiyatli ishtiroki orqali faoliyatidagi ikkinchi Olimpiya o‘yinlarida ishtirok etish huquqini qo‘lga kiritdi.
Rasuljon Abdurahimov 2020-yilda Tokioda bo‘lib o‘tgan Olimpiada qatnashchisi hisoblanadi.
Eslatib o‘tamiz, 21-aprel kuni sport kurashlari bo‘yicha Qirg‘izistonda yakunlangan musobaqada o‘zbekistonlik sportchilar 4 ta Olimpiada yo‘llanmasini naqd qilgan edi.
Izoh (0)