23XI Racing haydovchisi Tayler Reddik Talladega Superspeedway avtodromida bo‘lib o‘tgan 2024-yilgi NASCAR kubogining o‘ninchi bosqichi bo‘lgan GEICO 500 musobaqasida g‘olib chiqdi. Afsonaviy basketbolchi Maykl Jordanga tegishli jamoa haydovchisi uchun bu joriy mavsumdagi birinchi va faoliyatidagi oltinchi g‘alabasi hisoblanadi.
Eslatib o‘tamiz, so‘nggi turda peloton*ni Maykl Makdauell boshqarib borayotgan edi. Bred Keselovski bosimi ostida u trayektoriyasini bir necha bor o‘zgartirdi, shu sababli u marraga yetmasdan mashina boshqaruvini yo‘qotdi va to‘siqqa urildi. Makdauellning mashinasi trassa bo‘ylab aylanayotganda uning yonidan o‘tib ketgan Keselovski Reddikdan keyin ikkinchi bo‘ldi.
Biroq orqada qolgan ko‘plab haydovchilar boshqaruvni yo‘qotib bir-biriga urildi. To‘qnashuv oqibatida haydovchilarning hech biri jabrlanmagan.
NASCAR kubogi seriyasi. GEICO 500, Talladega (eng yaxshi 10):
1. Tayler Reddik (23XI Racing / Toyota) - 188 davra.
2. Bred Keselovski (RFK Racing / Ford) +0,2 sek.
3. Nuh Gragson (Styuart-Haas Racing/Ford) +0,2.
4. Riki Stenxaus kichik. (JTG Daugherty Racing / Chevrolet) +0,4.
5. Aleks Bowman (Hendrik Motorsports/Chevrolet) +0,9.
6. Entoni Alfredo (Beard Motorsports/Chevrolet) +1,2.
7. Uilyam Bayron (Hendrik Motorsports / Chevrolet) +1,3.
8. Todd Gilliland (Front Row Motorsports/Chevrolet) +1,5.
9. Daniel Xemrik (Kaulig Racing/Chevrolet) +2,0.
10. Xarrison Burton (Wood Brothers Racing/Ford) +2.2.
NASCAR kubogi seriyasining navbatdagi tadbiri Würth 400 28-aprel kuni Dover Motor Speedway'da bo‘lib o‘tadi.
Izoh (0)