Atirgul suvi asrlar davomida terini parvarish qilishda ishlatilgan tabiiy kosmetika hisoblanadi. Qadimgi sharq mamlakatlarida atirgul moyi go‘zallik eliksiri hisoblangan. Yillar o‘tib atirgul suvi va moyidan foydalanish hali ham aktual bo‘lib qolmoqda.
Atirgul suvining foydali tomonlari
Qazg‘oqni unutasiz
Atirgul suvi tinchlantiruvchi tabiiy vosita hisoblanadi, qazg‘oq esa terining yallig‘lanishi, qichishidan kelib chiqadi. Har kuni bosh terisiga atirgul suvini surtsangiz, tez orada qazg‘oqdan xalos bo‘lasiz.
Sochlar uzoq muddatga toza saqlanadi
Atirgul suvi bosh terisining yog‘lanishini kamaytiradi va namlantiradi. Har kuni surtilgan atirgul ekstraktlari sochlaringiz uzoq muddat toza turishini ta’minlaydi.
Sochlarga jilo beradi
Sifatli atirgul suvi sochlarni yaltiratadi va xushbo‘y hid taratadi. Atirgul suvini sochning ildizidan uchlarigacha surtish mumkin.
Dermatitdan xalos etadi
Atirgul moyi dermatit va ekzema kabi teri kasalliklarida ham samara beradi.
Atirgul moyidan qanday foydalanish mumkin?
-zOSSJcJP.jpeg)
- Yuvilgan va toza sochlarga atirgul suvini seping va yuvib tashlamasdan sochlarni quriting;
- Atirgul moyini shampun, konditsioner kabi soch tozalash vositalari ichiga qo‘shing;
- Sochlar uchiga surtilgan atirgul moyi chigallikdan va gullashdan saqlaydi.
Atirgul suvini tayyorlash usullari
1-usul — Qaynatish
3 dona organik jihatdan toza atirgullarni bandidan ajrating va idishga solib, ustidan toza suv quying. Atirgullar kimyoviy ishlovlarsiz o‘stirilgan bo‘lishi shart, yo‘qsa ularning tarkibidagi pestitsidlar va zararli moddalar teriga singib ketadi. So‘ng barglarning rangi yo‘qolguncha past olovda 35 daqiqa qaynatib oling. Sovitilgan holda sochlarga ishlating.
2-usul — Yog‘lar aralashmasi
Bu eng oson va ozgina qimmat usuldir. 12 tomchi atirgul moyi va bir tomchi boshqa biror foydali yog‘ (kokos, bodom, kunjut)ni aralashtiring va uni bir stakan toza suvga qo‘shing. Aralashmani niqob sfatida ishlatish mumkin.
Izoh (0)