G‘azoda Xon Yunis kasalxonasidagi ommaviy qabrdan 180 ta jasad topildi

G‘azo sektorining Xon Yunis shahridagi kasalxonadan ommaviy qabr topilib, 180 ta jasad aniqlandi. Bu haqda Al Jazeera xabar berdi.

Ommaviy qabr Isroil qo‘shinlarini 7-aprel kuni shahardan olib chiqib ketganidan keyin aniqlangan. Xon Yunisning ko‘p qismi Isroilning bir necha oy davom etgan tinimsiz bombardimonlari va shiddatli janglaridan so‘ng vayronaga aylangan. 

Kasalxona hovlisida fuqarolik mudofaasi va tibbiyot xodimlari Isroil harbiylari tomonidan ommaviy qabrga ko‘milgan 180 nafar jasadni olib chiqdi. Jasadlar orasida keksa ayollar, bolalar va yigitlar bor, — dedi Xon Yunisdagi Al-Jazeera muxbiri Xani Mahmud.

Falastin favqulodda xizmatlari shahidlarni qidirish ishlari davom etishi, chunki “ularning soni hali ham ko‘p” ekanini aytgan. Qidiruv ishlari 20-aprel kuni boshlangan va hozirgacha davom etmoqda. O‘tgan hafta boshida ash-Shifa kasalxonasida ikki haftalik qamaldan keyin ommaviy qabr topilgandi. Bu anklavdagi eng yirik tibbiyot muassasasi — ash-Shifada topilgan bir nechta ommaviy qabrlardan biridir.