Farg‘ona viloyatida bir oyda uchinchi qidiruvdagi jinoyatchi ushlandi. Bu haqda viloyat IIB xabar berdi.
Ma’lum qilinishicha, Farg‘ona viloyati IIO FMB Probatsiya xodimlari Jinoyat kodeksining 168-moddasi 3-qismi “b” bandida (firibgarlik) ko‘rsatilgan jinoyatni sodir etib, qidiruv e’lon qilingan M.T.ni qo‘lga oldi.
“Qidiruvdagi shaxslar haqida biror ma’lumotga ega bo‘lsangiz, yaqin oradagi ichki ishlar bo‘limlariga xabar bering. Shaxsingiz sir saqlanishi ta’minlanadi”, — deya murojaat qilgan viloyat IIB.
Aprel oyida ushlangan jinoyatchilar
Aprel oyida Farg‘ona viloyati Ichki ishlar boshqarmasi post-patrul xizmati va JTSB 1-Mintaqaviy hudud 1-otryad xodimlari Jinoyat kodeksining 168-moddasi 1-qismida (firibgarlik) ko‘rsatilgan jinoyatni sodir etib, qidiruv e’lon qilingan D.I.ni qo‘lga olgandi.
Shuningdek, shu oyda viloyat Ichki ishlar boshqarmasi Tumanlararo PPX otryad xodimlari Jinoyat kodeksining 128-moddasi (o‘n olti yoshga to‘lmagan shaxs bilan jinsiy aloqa qilish) 1-qismida ko‘rsatilgan jinoyatni sodir etib, Oltiariq tumani IIB tomonidan qidiruv e’lon qilingan D.S. qo‘lga olingan.
Izoh (0)