16-aprel kuni Toshkent shahrida BYD o‘zining gibridkrossoveri – BYD Song Pro DM-I ni taqdim etdi. Daryo yangi avtomobilning media-test-drayvida qatnashdi va uning asosiy texnik xususiyatlari, afzalliklari hamda narxlari bilan tanishdi.
O‘zbekistonda yangi taqdim etilgan BYD Song Pro modeli uchta turli komplektatsiyada taqdim etildi. Ushbu maqola avtomobilning texnik xususiyatlari va uning O‘zbekiston bozoridagi narxini o‘rganadi, shuningdek bu yangi modelning o‘z segmentidagi boshqa raqobatchilar bilan solishtirishini taqdim etadi.
Keling, endi BYD Song Proning texnik tavsifi haqida batafsil to‘xtalib o‘tamiz.
Texnik xususiyatlari, afzalliklari
BYD Song Pro O‘zbekistondagi BYD modellar qatorida to‘rtinchi bo‘ldi. Kompaniya vakillarining so‘zlariga ko‘ra, BYD Song Plus “ukasi” – Song Pro’dan tashqari yil oxirigacha qator yana beshta yangi modellar qo‘shiladi. Umuman olganda, 2024-yilda o‘zbekistonliklar to‘qqizta modelni tanlash imkoniyatiga ega bo‘lishadi.
Bugungi kunda gibrid avtomobil uchta rangda mavjud: kulrang, qora va oq. Yaqin orada ko‘k, okean tusdagi rangi ham sotuvga chiqariladi.
Krossover saloni yuqori sifatli materiallardan ishlangan bo‘lib, boshqaruv paneli va o‘rindiq dizayni foydalanuvchiga qulaylik yaratishga qaratilgan. Ayniqsa, bu modelning ichki makoni Song Plus modeliga qaraganda biroz kichikroq bo‘lsa-da, o‘xshash darajada betakror did bilan jihozlangan.
BYD Song Proning o‘lchamlari 4738 mm uzunlik, 1860 mm kenglik va 1710 mm balandlikda. Avtomobil gibrid tizimga ega: benzinli dvigatel hajmi 1,5 litr bo‘lib, 110 o.k. quvvat va 135 Nm kuchlanish momentini ta’minlaydi. Elektr motori esa 197 o.k. quvvatga ega.
BYD Song Proning maksimal yurish masofasi
- batareyaning sig’imi va turiga bog’liq bo‘lib, bu ko‘rsatkich 51 km dan 110 km gacha bo‘lishi mumkin.
- Yurish masofasi – 1090 km. 0 dan 100 km/soatgacha tezlanish vaqti 8,5 soniya.
- Avtomobil 8,32 yoki 18,32 kVt/soat quvvatga ega akkumulyatorlar bilan jihozlangan.
Ichki va tashqi dizayn
Avtomobilning old tomoni dragon face, ya’ni ajdarning yuziga o‘xshaydi. Dragon dizayni, tabiiyki, faralar bilan ulangan bo‘lib, mashina old qismini yanada baquvvat va zamonaviy qilib ko‘rsatadi.
Yumshoq materialdan tayyorlab o‘rnatilgan o‘rindiqlar butun vujudingizni erkin his qilishga imkon beradi. Orqa o‘rindiqning orqa burchagi 98-118 daraja oralig‘ida sozlanishi bosh, yelka va belni to‘liq tutib turish qulayligini baxsh etadi va besh yulduzli sayohat zavqini ta’minlaydi.
Mashina 7 pog‘onali robot uzatmalar qutisi bilan jihozlangan bo‘lib, uzatmalarni yengil o‘zgartirish va yoqilg‘i tejamkorligini ta’minlaydi. BYD Song Pro interyeri yuqori sifatli materiallardan foydalangan holda ishlab chiqarilgan va katta sensorli ekranga ega zamonaviy multimedia tizimi, Apple CarPlay va Android Auto qo‘llab-quvvatlashi, shuningdek, navigatsiya tizimi bilan jihozlangan.
- Agar xohish bo‘lsa, interfeys tilini o‘zbek tiliga o‘zgartirish mumkin.
Bundan tashqari, haydovchilar panoramali tomni ochish yoki hatto konditsionerni yoqish va o‘chirish kabi ovozli buyruqlarni faollashtirishi mumkin bo‘ladi. Biroq, bu xususiyat faqat rus tilida mavjud.
BYD Song Pro ba’zi avtomobil funksiyalarini mobil ilova orqali masofadan boshqarish imkoniyatini taklifqiladi, shuningdek, turli xizmatlar va ilovalarga kirish uchun smartfonga ulanishi mumkin.
BYD Rohat dilerlik markazi
BYD Rohat — Astana Motors tarmog‘ining o‘ninchi dilerlik markazi sifatida 16 aprel kuni mehmonlarni qabul qildi, ikkita muhim voqea — yangi dilerlik markazining ochilishi va uzoq kutilgan BYD Song Pro DM-I Champion gibrid krossoverining taqdimoti ushbu brend ishqibozlari uchun bayramga aylandi.
Taqdimotda BYD Astana Motors bosh direktori Dilshod Umarov shunday nutq so‘zladi:
O‘zbekistonda ushbu brend paydo bo‘lganidan buyon o‘tgan bir yil davomida biz katta muvaffaqiyatlarga erishganimizni faxr bilan qayd etaman – biz 10 mingdan ortiq avtomobil sotdik, respublikaning yirik shaharlarida BYD vakilimiz va bugun biz o'ninchi BYD Astana Motors dilerlik markazini ochmoqdamiz. Avvalo, brendni O‘zbekistonda brendf aoliyatini yurituvchilardan birinchi bo‘lish sharafi va ishonchi, eng yiriklardan biri bo‘lish imkoniyati, bugun yangi modelni taqdim etish huquqi uchun BYD kompaniyasiga o‘z minnatdorchiligimni bildirmoqchiman.
Narxi
Song Proning uchta konfiguratsiyasi mavjud bo‘lib, ularning narxi 321.8 million so‘mdan boshlanadi.
1. BYD Song Pro Comfort (71 km) – 321.8 mln – $25,300
2. BYD Song Pro Flagship (71 km) – 334.4 mln – $26,300
3. BYD Song Pro Flagship (110 km) – 359.8 mln – $28,300
BYD Song Proning taqdim etilishi, mahalliy avtomobil bozorida xaridorlar uchun yangi alternativalarni yaratish bilan birga, BYD markasining global darajadagi obro‘sini oshirishga xizmat qiladi. Avtomobilning asosiy afzalliklari uning iqtisodiyotliligi, yuqori texnologiyalari va batafsil ishlab chiqilgan dizaynidir.
Sharq estetikasidan ilhomlangan, moviy tog‘lar bag‘ridagi xotirjamlik va ulug‘vorlikni o‘zida aks ettirgan Song Pro yo‘ldagi manzara bilan uyg‘unlashish imkonini taqdim etadi.
BYD Song Pro O‘zbekiston avtomobil bozorida o‘z o‘rnini topishi kutilmoqda, chunki u zamonaviy texnologiyalar va iqtisodiy samaradorlikni o‘z ichiga olgan holda, xaridorlarga turli xil tanlov variantlarini taklif etadi.
Sayt: byd-astanamotors.uz
Instagram: byd.astanamotors.uz
Facebook: byd.astanamotors.uz
Call-sentr: 1322
Reklama huquqi asosida.
Izoh (0)