Toshkent viloyatida sharbat qutisining ichiga 3 mln rublni solib olib chiqilishiga chek qo‘yildi. Bu haqda viloyat bojxona boshqarmasi matbuot xizmati xabar berdi.
Maʼlum qilinishicha, qo‘shni davlatga o‘tish uchun “Farhod” chegara bojxona postiga kirib kelgan fuqaroning sumkasi tekshirilganida, sharbat qutisiga xufyona yashirilgan yo‘lovchi bojxona deklaratsiyasida ko‘rsatilmagan 3 mln Rossiya rubli aniqlangan.
Hozirda ushbu holat yuzasidan surishtiruv harakatlari olib borilmoqda.
Maʼlumot uchun, amaldagi tartiblarga ko‘ra jismoniy shaxslar tomonidan ekvivalenti 100 mln so‘mga teng yoki undan oshmaydigan miqdordagi naqd valyuta mablag‘larini O‘zbekistondan tashqariga bojxona nazorati qoidalariga rioya etilgan holda cheklovlarsiz olib chiqishlariga ruxsat etiladi.
Izoh (0)