Shavkat Mirziyoyevning Tojikistonga davlat tashrifi doirasidagi tadbirlar yakuniga yetdi. Bu haqda Prezident matbuot xizmati xabar berdi.
Kuni kecha O‘zbekiston rahbari Emomali Rahmon bilan tor doirada va kengaytirilgan tarkibda muzokaralar o‘tkazdi. Davlat rahbarlari ikki tomonlama munosabatlarda yangi tarixiy bosqichni boshlab bergan Ittifoqchilik munosabatlari to‘g‘risidagi shartnomani imzoladi.
Prezidentlarning farmonlari bilan yuksak faxriy unvonlarga sazovor bo‘lgan ikki mamlakat madaniyat va sanʼat arboblaridan bir guruhini taqdirlash marosimi bo‘lib o‘tdi. Yetakchilar birgalikda “Do‘stlik oqshomi” konsert dasturini tomosha qildi.
Bugun O‘zbekiston yetakchisi Tojikiston Parlamenti quyi palatasi raisi Mahmadtoir Zokirzoda va bosh vazir Qohir Rasulzoda bilan uchrashuvlar o‘tkazdi.
Davlat rahbarlari mamlakatimizning Dushanbedagi elchixonasi yangi binosini tantanali ravishda ochib berdilar hamda O‘zbekiston sanoat mahsulotlari ko‘rgazmasi bilan tanishdi.
Dushanbe xalqaro aeroportida O‘zbekiston yetakchisini Emomali Rahmon kuzatib qo‘ydi. Prezident Shavkat Mirziyoyev Toshkentga qaytib keldi.
Izoh (0)