Qulaylik mijoz uchunmi yoki xodim uchun? InfinBANK yangi ofisida bu savolga javob berdi

InfinBANK bugun, 18-apreli kuni Toshkent markazida yangi ofisini ochilishiga OAV vakillari, blogerlar va keng jamoatchilikni taklif qildi.

Ham mijoz, ham xodim uchun qulayliklar uyg‘unligi

Barcha mehmonlarni birinchi navbatda eʼtiborini tortgan narsa shu bo‘ldiki, yangi InfinBANK ofisida ham mijozlarning barcha ehtiyojlari va talabalarini ham ishchi xodimlarning shart-sharoitlari inobatga olgan holda zamonaviy hamda funksional markaz sifatida bunyod etilgan.

Borish oson, mashinaga ham joy bor

Olti qavatli yangi ofis binosi poytaxt markazida — Mustaqillik ko‘chasi, 17 “B” uyda joylashgan bo‘lib, katta yo‘l yoqasida va metroning yonginasida.

Hozirgi vaqtda fuqarolarga xizmat ko‘rsatuvchi ofislarning yonida avtomashinalar uchun joylar soni kamligi yoki umuman yo‘qligi mijozlarga noqulaylik tug‘dirmoqda. Yangi InfinBANK ofisining yonida kattagina avtoturargohning borligi nafaqat xizmat ko‘rsatish sifatiga, balki mijozlar kayfiyatiga ham ijobiy taʼsir ko‘rsatadi.

Davomiy muloqotlar

Binoning birinchi qavatida bankning operatsion markazi joylashgan. Qavat ikki qismga — yuridik va jismoniy shaxslarga xizmat ko‘rsatish bo‘limlariga ajratilgan.

Har bir qavatda muzokaralar uchun alohida xonalarga ajratilgan. Bu bilan bank xodimlari va mijoz o‘rtasida o‘zaro hamkorlikni kelishib olish uchun juda yaxshi muhit yaratilgan.

Beshinchi qavatda barcha zarur ashyolar bilan jihozlangan keng majlis zallari ham mavjud bo‘lib, u yerda katta konferensiyalar va boshqa turli tadbirlarni o‘tkazish imkonini beradi.

Go‘zal manzara va yoqimli tamaddi

Ishxonada xodimlarning kayfiyati yaxshi bo‘lishi, tayinki jamoaning kuchli bo‘lishiga va mijozlarga xizmat ko‘rsatish sifati oshishiga xizmat qiladi. Shu jihatlarni hisobga olgan InfinBANK jamoasi yagi ofisning shaharning go‘zal manzarasi ko‘rinib turadigan, katta oynalar bilan o‘ralgan shinam oshxona va xodimlar tanaffus paytida dam olishlari mumkin bo‘lgan keng ayvon hozirlagan.

Bundan tashqari, har bir qavatda ichimliklar (choy, qahva va hokazo) tayyorlash mumkin bo‘lgan burchaklar mavjud, bu degani xodimlar har safar qahva yoki choy uchun oltinchi qavatga chiqishlari shart emas.

Uzoq vaqt bir joyda o‘tirib ishlovchilarda qon aylanish tizimi bilan bog‘liq kasalliklar ko‘proq uchraydi. Yangi ofisda xodimlar uchun alohida, keng va yorug‘ xonada eng so‘nggi turdagi sport anjomlar o‘z ichiga olgan jismoniy mashg‘ulot xonasi ajratilgani yangi ofis loyihalash va qurishda mayda detallargacha, xususan, xodimlarga salomatligiga ham eʼtibor qaratilganidan dalolat berib turibdi.

Open Space xizmati

Ilgari barcha bank bo‘limlari kabinetlar bo‘yicha taqsimlangan bo‘lib, har bir bo‘limda qandaydir yopiqlik muhiti bor edi. InfinBANK ning yangi binosini loyihalashda Open Space amaliyotini qo‘llashga qaror qilindi. Bunday yondashuv xodimlar osongina muloqot qilishlari, bir-birlari bilan erkin bog‘lana olishlari hamda g‘oya va fikr almashishlari mumkin bo‘lgan muhitni yaratadi. Bu hamkasblar o‘rtasida yanada ochiq va samarali muloqotni rag‘batlantiradi, shuningdek, rahbariyatning ishchilardan xabardor bo‘lib turish imkoniyatlarini oshiradi. Yangi o‘zgacha muhit, shuningdek, bank ofislari uchun ayniqsa muhim bo‘lgan ish joylaridan yanada samarali foydalanish imkonini beradi.

To‘xtab qolish yo‘q!

Mehmonlarga hamrohlik qilgan InfinBANK boshqaruvi raisi Olga Numanovaning alohida taʼkidlashicha, asosiy vazifa mijozlar va xodimlarning qulayligi haqida g‘amxo‘rlik qilishga qaratilgan.

“Ayni damda bizning yangi ofisimiz bank sektori uchun qiziqarli va yangicha xizmatlar — mijozlar uchun kutish joylari, xodimlar uchun Open Space tizimini taqdim etadi”, — dedi Olga Numanova xonim.

Loyihalash va qurilishdan tortib xodimlarni ko‘chirish va ofis ochilishigacha bo‘lgan butun jarayon InfinBANK ning ishonchli tarzda rivojlanayotganidan dalolat beradi. Shuni taʼkidlash kerakki, bino bank uchun maxsus qurilgan bo‘lib, loyihada eng avvalo bankning barcha maqsadlari va xususiyatlari inobatga olingan.

InfinBANK jamoasining yaqin kelajakdagi rejalari haqida ham maʼlumot berildi. Aytilishicha, bank yuridik va jismoniy shaxslar uchun o‘z mobil ilovalarida yangi o‘zgarishlarni kiritilmoqda. Shuningdek, mijozlarga masofaviy xizmat ko‘rsatish maksimal darajada qulay va oson bo‘lishi, yuridik shaxslar uchun yangi xizmatlar ishlab chiqarish yo‘lga qo‘yilishi, aholi uchun kredit hamda depozitlar bo‘yicha yanada qulay shartlarni ishlab chiqish rejalashtirilgan.

Reklama huquqi asosida.