18-aprel, payshanba kuni bosh murabbiy Yurgen Klopp boshchiligidagi “Liverpul” jamoasi umumiy hisobda “Atalanta”ga yutqazib, Yevropa Ligasidagi o‘z yurishini to‘xtatdi.
Eslatib o‘tamiz, 17-mart kuni “Liverpul” “Manchester Yunayted”ga imkoniyatni boy berib (3:4) Angliya Kubogini tark etgandi.
Jamoaning Angliya chempionatidagi natijalari ham yomonlasha boshladi. 31-mart kuni mersisaydliklar “Brayton”ni mag‘lub etdi va APL turnir jadvalida peshqadamlik qilishni boshladi.
Keyingi turda “Liverpul” “Sheffild”ni mag‘lub etdi (3:1) va 1-o'rinni saqlab qoldi. Biroq “Liverpul” “Manchester Yunayted” bilan durang o‘ynadi (2:2) va “Kristal Pelas”ga imkoniyatni boy berib (0:1) peshqadamlikni boy berdi.
Hozirda “Manchester Siti” APL turnir jadvalida peshqadamlik qilmoqda, “Liverpul” va “Arsenal” ikki ochkoga ortda bormoqda.
“Liverpul” jamoasi keyingi turda mehmonda “Fulhem” qarshi maydonga tushadi. Uchrashuv 21-aprel, yakshanba kuni bo‘lib o‘tadi.
Izoh (0)