Germaniyaga qarashli Lufthansa aviakompaniyasi aprel oyining oxiriga qadar Tehron va Bayrutga parvozlarni to‘xtatdi. Bu haqda Anadolu nashri xabar berdi.
Manbada aytilishicha, nemis aviakompaniyasi xavfsizlik nuqtai nazaridan shu oy yakunigacha Eron havo hududidan foydalanmasligini maʼlum qilgan. Tehron va Bayrutga parvozlar to‘xtatilishi haqidagi bayonot 18-aprel kuni e'lon qilingan.
“Lufthansa Group doimiy ravishda Yaqin Sharqdagi xavfsizlik holatini kuzatib boradi va baholaydi. Rasmiylar bilan yaqin aloqadamiz. Lufthansaʼning Tehron va Bayrutga parvozlari 2024-yil 30-aprel, seshanba kunigacha bekor qilinadi”, — deyiladi maxsus kompaniya bayonotida.
Tehrondagi hukumat oldinroq Suriyadagi konsulligiga uyushtirilgan zarbaga javoban Isroilga javob hujumi tashkil etgan edi. Yetti nafar eronlik harbiy ofitser, jumladan ikki yuqori martabali qo‘mondon halok bo‘lishi Tehronni jiddiy javob qaytarishga undagan.
Izoh (0)