Isroil Eron yadro inshootlariga hujum qilish bilan tahdid qilsa, Tehron yadroviy doktrinasini qayta ko‘rib chiqadi.
Bu haqda Islom inqilobi qo‘riqchilari korpusining yadroviy mudofaa va xavfsizlik bo‘limi qo‘mondoni Ahmad Haqtalab bayonot berdi.
“Agar soxta sionistik rejim bo‘lgan Isroil yadroviy inshootlarga zarba berish bilan tahdid qilib, bizga bosim o‘tkazmoqchi bo‘lsa, ehtimol, Eron Islom Respublikasining yadroviy doktrinasi va siyosati qayta ko‘rib chiqiladi va mamlakat o‘tmishdagi kafolatlarga amal qilmaydi”, — dedi u ISNA agentligiga bergan intervyusida.
Avvalroq Eron tashqi ishlar vaziri Husayn Amir Abdullohiyan 14-aprelga o‘tar kechasi Isroil hududiga uyushtirilgan dronlar va raketalar hujumi Yaqin Sharq mintaqasida “kuchlar muvozanatini o‘zgartirgani”ni aytib o‘tgandi.
Hujumdan so‘ng Isroil tomoni mudofaa kuchlari Eronning 300 ga yaqin snaryadlarining 99 foizini tutib olganini qayd etgan. Raketa va dronlarning aksariyati Erondan, oz qismi esa Iroq va Yamandan uchirilgan.
Izoh (0)