Mashhur Bollivud aktyorlarining qizlari orasida otalari kabi kino sohasida faoliyat yuritayotgan, karyerasini muvaffaqqiyatli davom ettirayotganlari ham bor. Quyida shu haqda ma’lumot beriladi.
Shohruh Xon va qizi Suhana
Suhana Xon — Bollivud yulduzi Shohrux Xonning yagona qizi. U 2000-yilning 22-may sanasida Mumbay shahrida tug‘ilgan. Aktyorning qizi Suhana diqqat markazida bo‘lishni yaxshi ko‘rardi. Natijada u rejissyor Zoya Axtarning “Archi” loyihasida aktrisa sifatida debyut qildi. Suhananing Aryana ismli akasi va Abram ismli ukasi bor.
Amir Xon va qizi Ira
Ira — Amir Xonning yagona qizi. U aktyorning Rina Datta bilan birinchi nikohidan tug‘ilgan. Ira bir paytlar musiqa bilan shug‘ullangan. Aktyor qizini shu yilning yanvar oyida turmushga berdi.
Saif Ali Xon va qizi Sara Ali Xon
Sara — aktyor Saif Ali Xon va aktrisa Amrita Singhning qizi. U 2018-yilda ota-onasining izidan borishga qaror qildi va “Kadernath” filmida debyut qildi. Keyinchalik u “Simba” jangovar komediyasida suratga tushgan. Ikkala film ham muvaffaqiyatga erishdi, birinchi kinokartinadagi roli uchun aktrisaga Filmfare mukofoti berilgan. Sara 1995-yilning 12-avgust sanasida Mumbayda tug‘ilgan. U Kolumbiya universitetida tahsil olgan.
Ajay Devgan va uning qizi Nisa Devgan
Nisa taniqli Bollivud aktyorlari Kajol va Ajay Devganning qizi. U hozirda tashqi ko‘rinishini faol ravishda o‘zgartirmoqda va katta ehtimol bilan aktrisa bo‘ladi. Nisa 2003-yilning 20-aprel sanasida Mumbay shahrida dunyoga kelgan. Nisa Devgan kelajakda ota-onasi kabi kino sohasida faoliyat yuritishi yoki yuritmasligi haqida aniq ma’lumot bermagan.
Anil Kapur va qizlari Sonam, Reya
Anil Kapurning ikkita qizi bor. Sonam — hozir Bollivuddagi taniqli aktrisalardan biri. Uning ishtirokidagi loyihalar muxlislarning e’tiboriga tushgan. Bollivud yulduzining ikkinchi qizi Reya esa stilist va moda dizayneri hisoblanadi. Aktyorning ikkala qiz ham allaqachon turmushga chiqqan.
Shakti Kapur va qizi Shraddha Kapur
Bollivud aktyori Shakti Kapurning qizi Shraddha Kapur 1987-yilning 3-mart sanasida tug‘ilgan. Kino sohasidagi faoliyatini yoshligidan boshlagan aktrisa Boston universitetida tahsil olgan. Uning ishtirokidagi “Yolg‘onchilar”, “Yovuz”, “Sevgi hayot uchun” loyihalari ko‘plab tomoshabinlarning e’tirofiga sazovor bo‘lgan, bundan tashqari, aktrisaning ijrosidagi filmlar chet elga ham sotilgan.
Jeki Shroff va qizi Krishna
Bollivud yulduzi Jeki Shroffning qizi Krishna 1993-yilning 21-yanvar sanasida tug‘ilgan. U rejissyorlik sohasida faoliyat yuritadi. Krishna yaqin kelajakda filmlarda suratga tushishi haqida aniq javob bermagan.
Sanjay Datt va uning qizlari Trishala, Ikra
Trishala Sanjay Dattning aktrisa Richa Sharma bilan birinchi turmushidan bo‘lgan qizi. Afsuski, Richa saraton kasalligidan vafot etdi. Ikra uning aktrisa Manyata bilan turmushidan ikkinchi qizi.
Sunil Shetti va qizi Atiya
Bollivud aktyori Sunil Shettining qizi Atiya model aktrisa. U 1995-yilning 5-noyabr sanasida Mumbayda tug‘ilgan. “Qahramon”, “Muborakan” va “Motichur Chaknachur” loyihalarida suratga tushgan. Atiya Nyu-York akademiyasining kino sohasida tahsil olgan.
Govinda va uning qizi Tina (Narmada)
Narmada yoki Tina Axuja 1989-yilning 16-iyulida aktyor Govinda va Sunita Axuja oilasida tug‘ilgan. U moda dizaynining kursida tahsil olgan, so‘ngra Kishore Namit Kapur instituti va London kino institutida aktyorlik kursini tugatgan. U o‘zini kino sohasida ham sinab ko‘rgan, biroq urinishlari besamar ketgan.
Izoh (0)