O‘zbekistonning Malayziyaga qarshi o‘yinini iordaniyalik Ahmed Faisal Al Ali boshqaradi.
Ushbu hakam O‘zbekiston milliy terma jamoasining “Bunyodkor” stadionida bo‘lib o‘tgan Gongkongga qarshi o‘yinini ham boshqargan edi. Unda mezbonlar yirik hisobda g‘alaba qozongan.
Bundan tashqari, iordaniyalik referi o‘tgan yili Tailandda o‘tgan U17 Osiyo Kubogi chorak finalida O‘zbekiston termasining Saudiya Arabistoniga qarshi bahsida bosh hakam sifatida ishlagan.
O‘sha bellashuvda Jamoliddin Rahmatullayev shogirdlari 2:0 hisobida g‘alaba qozongan va Indoneziyadagi Jahon chempionatiga yo‘llanmani qo‘lga kiritgan edi.
Eslatib o‘tamiz, Malayziyaga qarshi uchrashuv 17-aprel kuni Toshkent vaqti bilan 18:00 da start oladi.
Izoh (0)