Toshkent shahrining Mirobod tumanida noqonuniy qurilma va inshootlarni demontaj qilish ishlari olib borildi. Bu haqda tuman matbuot xizmati xabar berdi.
Qayd etilishicha, 15-aprel kuni Mirobod tumani hokimi Anvar Sayfutdinov, tuman prokurori vazifasini bajaruvchi Umid Abdullayev, tuman IIO FMB boshlig‘i Otabek Xo‘jayev, tuman hokimi o‘rinbosari Farhod Najmiddinov, tuman MIB, Kadastr agentligi va boshqa tashkilotlar tomonidan “Abdulla Avloniy” mahallasining Mirobod ko‘chasidagi noqonuniy qurilmalar o‘rganilgan.
Natijada, ko‘p qavatli uylarning birinchi qavati, ko‘cha yuzidagi ovqatlanish hamda savdo shoxobchalarida noqonuniy qurilmalarni bartaraf etish va buzilgan joylarni tartibga keltirish bo‘yicha ko‘rsatmalar berildi, — deyiladi xabarda.
.jpg)
Fevral boshlarida poytaxt hokimligi Toshkent shahri hududida maishiy va tijorat binolariga ega bo‘lgan poytaxt aholisini hujjatlarning shaharsozlik meʼyorlariga muvofiqligini yana bir bor sinchiklab tekshirishga chaqirgandi.
Izoh (0)