Futbol bo‘yicha U-23 Osiyo Kubogi guruh bosqichi o‘yinlari 15-aprel, dushanba kuni start oldi.
Musobaqa mezboni Qatar guruh bosqichining ilk turida Indoneziyaga qarshi bahs olib bordi. Birinchi bo‘limning oxirida qatarliklar futbolchi Sabah penaltidan hisobni ochdi va turnirdagi ilk gol muallifiga aylandi.
Ikkinchi bo‘lim boshida esa Indoneziya futbolchisi Jenner qizil kartochka olib, maydonni tark etdi. Qolgan daqiqalarda nominal mehmonlar bir kishi kam bo‘lib harakatlandi. 54-daqiqaga kelib, bir kishi kam bo‘lib o‘ynash o‘z natijani ko‘rsatdi. Qatar futbolchisi Ar-Ravi darvozani ishg‘ol qildi. O‘yin oxirigacha shu hisob saqlanib qoldi va Qatar musobaqani ishonchli g‘alaba bilan boshladi. Uchrashuv so‘ngida indoneziyaliklar safida Sananta ham qizil kartochka olib, maydonni tark etdi.
Guruhning boshqa bir o‘yinida Avstraliya Iordaniya bilan durang qayd etdi.
U-23 Osiyo Kubogi
1-tur
15-aprel, dushanba
Qatar U-23 — Indoneziya U-23 2:0
Gollar: 1:0 — 45+1 Sabah, 2:0 — 54 Ar-Ravi.
Izoh (0)