Senegal janubi-sharqida og‘irligi 1 tonnadan ortiq bo‘lgan kokain yuki qo‘lga olindi. Bu haqda mamlakat bosh bojxona boshqarmasi ma’lum qilib, bu Senegal tarixidagi quruqlikda aniqlangan eng yirik hajmli giyohvand modda ekanligini ta’kidladi.
Rasmiylarga ko‘ra, umumiy og‘irligi 1137 kg bo‘lgan partiyaning qiymati 137 million yevroga baholangan. 948 qop kokain yuk mashinasining tag qismiga yashirilgani aniqlangan. Bojxona boshqarmasi yuk mashinasi qo‘shni davlatdan kelganini aytdi, biroq qaysi davlat ekaniga aniqlik kiritilmagan.
Giyohvand moddalar eng yangi texnologiyalar, jumladan, zamonaviy skanerlar yordamida aniqlangan.
10-aprel kuni Braziliya harbiy-havo kuchlari 500 kilodan ortiq kokain olib ketayotgan ikki dvigatelli samolyotni to‘xtatib qolgani xabar qilingandi.
Izoh (0)