Qashqadaryolik maktab rahbarlari AQSHda malaka oshirish imkoniyatiga ega bo‘ladi, deb xabar bermoqda viloyat hokimligi axborot xizmati.
Unga ko‘ra, Qarshi shahridagi 1-sonli umumta’lim maktabida Maktabgacha va maktab ta’limi vazirligi va xalqaro ta’lim bo‘yicha Amerika kengashlari tashkiloti hamkorligida The Educational Leadership Development Program (ta’limda yetakchilik ko‘nikmalarini rivojlantirish dasturi) doirasida taqdimot namoyish etildi.
Dastur AQSHning O‘zbekistondagi elchixonasi moliyaviy ko‘magida Maktabgacha va maktab ta’limi vazirligi va AQSHning George Mason universiteti hamkorligida xalqaro ta’lim bo‘yicha Amerika kengashlari tashkiloti tomonidan amalga oshiriladi.
Mazkur dasturning maqsadi O‘zbekistondagi maktablarni boshqarish sohasidagi rahbarlik islohotlarini ilgari surishni maqsad qiladi. Ikki yillik dastur maqsadli kasbiy rivojlanish imkoniyatlarini taqdim etish orqali rahbarlar va ta’lim xodimlarining kasbiy salohiyatini, jumladan, ta’lim sohasida yetakchilik ko‘nikmalarini oshirishga qaratiladi.
Izoh (0)