Nima tomosha qilishni bilmayapsizmi? Bugun sizga oilaviy tomosha qilish uchun qiziqarli va ajoyib filmlarni tavsiya qilamiz.
“Vonka”
Ro‘yxatni Timoti Shalame boshlab beradi. Yangi filmda shokoladchi Villi Vonka haqida hikoya qilinadi. Bir vaqtlar uning ulkan rejalari bor edi. Keyin u fikrlarini haqiqatga aylantirishga qaror qiladi. Biroq Vonkaning shirin ijod namunalari xaridorlarga yetib borishi uchun yosh yigit shokolad magnatlariga qarshi chiqishi kerak bo‘ladi.
“Tom Soyer xazinasi”
Bir kuni uch nafar o‘rta maktab o‘quvchilari — Entoni va uning do‘stlari Tom Soyerning afsonaviy xazinasini topishga qaror qilishadi. Mark Tvenning romanidagi ishoralar asosida yigitlar sayohatga chiqishadi. Yosh tadqiqotchilarga sobiq sarguzashtchi bo‘lgan ustozi hamrohlik qiladi.
“Josus bolalar: Armageddon”
Superagentlar Nora va Terrensning qudratli kompyuter virusini yengishga kuchi yetmaydi. Endi ularning bolalari Patti va Toni ayg‘oqchi bo‘lishlariga to‘g‘ri keladi. Faqat shu yo‘l bilan ular kuchli dushmanni yengadi va falokatning oldini oladi.
“Momiq quyoncha”
Yetti yoshli Uilyam va uning oilasi boshqa shaharga ko‘chib o‘tishga majbur. Yangi uyda faqat momiq quyongina yolg‘izlikni yengishga yordam beradi. Bolakay doimo shu o‘yinchog‘i bilan o‘ynaydi va birgalikdagi sayohatlari haqida xayol suradi. Ammo tez orada mo‘jiza sodir bo‘ladi: quyonga jon kiradi.
“Piter Pen va Vendi”
Bir kuni Vendi Darling katta bo‘lishni xohlamasligini tan oldi. Biroz vaqt o‘tgach, kechasi qiz va ukasining yoniga Piter Pen sehrgar pari Din-din bilan keladi. Ular bolalarni sirli mamlakat — Netlandiyaga taklif qiladi.
“10 hayot”
Momiq mushuk Bekkett betashvish hayotga o‘rganib qolgan. Ammo tez orada uning kundalik hayoti o‘zgaradi. Mushuk butunlay boshqa hayvonlarning tanasiga kirishiga to‘g‘ri keladi.
“Mashhurlik formulasi”
Har kim 11 yoshli Ervinning bilimiga hasad qilishi mumkin. Vunderkind bola uzoq vaqtdan beri fanlar olimpiadasida g‘olib bo‘lishni orzu qiladi. Bu safar birinchi o‘rin uchun u mashhur bo‘lishiga yordam beradigan maxsus moddani ixtiro qiladi.
“O‘rgimchak xonim”
O‘rgimchak odamning spin-offida “O‘rgimchak xonim” haqida hikoya qilinadi. Syujet markazida hamshira Kassandra Uebb turadi. To‘satdan qiz o‘zining g‘ayrioddiy qobiliyati borligini tushunib qoladi. Tushida u sirli va xavfli odamni ko‘radi. Endi o‘sha jinoyatchini topishi kerak.
Izoh (0)