Rossiya va Ukraina harbiy maʼmuriyatlari 12-aprel kuni halok bo‘lgan 122 nafar askar jasadlari o‘zaro almashilganini maʼlum qildi. Bu haqda The Moscow Times nashri xabar berdi.
Xabarda aytilishicha, ushbu askarlar jasadlari almashinuvi joriy yil boshidan beri to‘rtinchi bor amalga oshirilmoqda. Almashinuvlar harbiy qismlardan uzoq, betaraf hududda amalga oshirilgan.
Rossiyalik deputat Shamsayil Saraliyevga ko‘ra, Moskva tomoni 23 nafar askar jasadini qabul qilgan. Ukrainaning harbiy asirlar bilan shug‘ullanish bo‘yicha muvofiqlashtiruvchi shtabiga esa Kiyevga 99 nafar askar jasadlari topshirilganini eʼlon qilgan.
Ukraina tomoni taqdim etgan maʼlumotga ko‘ra, askarlarning 77 nafari Ukraina sharqidagi Donetsk viloyatida, 20 nafari janubiy Zaporojye viloyatida va ikki nafari sharqiy Xarkov viloyatida halok bo‘lgan.
“Himoyachilarimizning jasadlari shaxsi aniqlangach, munosib dafn qilish uchun oilalariga topshiriladi”, — deyiladi Ukraina bayonotida.
Maʼlumot o‘rnida, Ukraina hozirga qadar 2500 nafardan ortiq askarlari jasadini qaytarib olishga erishgan. Shuningdek, 24 ming ukrain askari bedarak yo‘qolganligicha qolmoqda.
Izoh (0)