“Mehridaryo” loyihasiga Buxoro viloyati Qorako‘l tumanida yashovchi ona murojaat qilib, o‘g‘lining operatsiyasi uchun xalqdan yordam so‘radi.
— O‘g‘lim Dilshodbek Rahmonov 19 yoshda, u ikki yoshlik paytidan buyon epilepsiya bilan og‘riydi. Ammo bu tug‘ma emas, avlodimizda bu kasallikka chalinganlar bo‘lmagan.
3-4 yildan buyon xurujlari soni yanada ortgan. Bir necha marta hayoti uchun xavf tug‘diradigan vaziyatlarda ham qolib ketdi. Birdan tobi qochib, o‘zini bilmay qoladi va bo‘y barobar yiqiladi. Qo‘l-oyoqlari tirishib, o‘ziga bo‘ysunmay qoladi. Ikki-uch soatlarda o‘ziga kelib, qo‘llarini harakatlantiroladi.
Kasalligi birdan xuruj qilgani uchun ko‘chaga yolg‘iz chiqarolmayman. Uyat bo‘lsa ham aytaman, hojatxonaga kirsa ham eshik yonida poylab turaman.
Shunday bo‘lsa-da, o‘g‘lim o‘qishga qiziqadi. Maktabni aʼlo baholarga tamomlagan, institutda o‘qiyman deydi.
Shifokorlar o‘g‘limni operatsiya qildirsakkina, samara bo‘lishini aytishyapti. Yaʼni operatsiya vaqtida unga qandaydir chip o‘rnatilar ekan. Xorijdan olib kelingani uchun uning tan narxi 15 ming yevro ekan. Operatsiya va dori-darmon xarajatlarini taxminan 250 million so‘m bo‘lishini aytishdi, ammo bizda bunday pul yo‘q. Turmush o‘rtog‘im ikkinchi guruh nogironi, o‘zim esa kunlik ishlarga chiqaman. Faqatgina katta o‘g‘limning topgani bilan ro‘zg‘orlik qilamiz. Shu bois xalqdan yordam so‘rashga majburmiz, iltimos bizga yordam bering.
Hozir o‘g‘limni kuniga 15-20-marta xuruj tutyapti, buni ko‘rish juda og‘ir, — deydi bemorning onasi.
Dilshodbek Rahmonovga xayriya qilishni istasangiz,
5614 6805 1230 5166 (Raxmonov Dilshodbek)
Murojaat uchun: +99894) 804-51-41
Izoh (0)