7-aprel kuni Uill Smit afsonaviy aktyor Jeki Channi tug‘ilgan kuni bilan tabrikladi va unga chuqur minnatdorlik bildirdi. Ular uzoq yillar davomida oilaviy do‘st tutinib kelgan.
Uill Smit Instagram’da yozgan postida ta’kidlashicha, o‘g‘lining tarbiyasida Jeki Channing o‘rni beqiyos. 25 yoshli Jeyden 2010-yilda “Karatechi bola” filmida Chan bilan birga rol ijro etgan edi.
“Do‘stim Jeki Chan! Sizni 70 yoshingiz bilan muborakbod etaman. Sevimli filmlarimizdagi ajoyib lahzalardan tashqari, o‘g‘lim Jeydenni tarbiyalashda qo‘shgan hissangiz va yordamingiz uchun sizdan juda minnatdorman”, — deb yozdi 55 yoshli Uill Smit.
Postda aktyor Jeki Chan va uning o‘g‘li bilan tushgan fotosuratlar bilan bo‘lishdi va iliq tilaklar bildirdi.
Izoh (0)