Qozog‘istonning Atirau viloyatida Ural qirg‘og‘i bo‘ylab to‘g‘on qurish uchun yer qazish chog‘ida 12 ta bosh suyagi va 26 ta odam tanasi qoldiqlari topildi. Bu haqda “Zakon.kz” xabar berdi.
Voqea joyiga yetib kelgan vakolatli organ xodimlari tergovga qadar tekshiruv ishlarini boshladi. Kelgusida topilgan qoldiqlar an’analarga muvofiq qayta dafn etiladi.
Qadimgi Saroyshiq shaharchasida arxeologik qazishmalar paytida odam suyaklari topilgani yangilik emas. Ma’lumki, o‘rta asrlarda Saroyshiqda katta qabriston bo‘lgan. Arxeologik tadqiqotlar, turli ishlar davomida, hatto eski Saroyshiq qishlog‘ida ham ko‘pincha odam suyaklari topiladi.
Ayni paytda keng ko‘lamli suv toshqinidan himoya qilish ishlari olib borilmoqda, minglab odamlar Ural qirg‘oqlari bo‘ylab to‘g‘onni mustahkamlamoqda va bu ishlar davomida inson suyaklari topilgani ajabli emas. Qoidaga ko‘ra, bunday ma’lumotni olgan mutaxassislar tegishli ishlarni olib boradi, qoldiqlarni ko‘zdan kechiradi, so‘ngra an’anaga muvofiq dafn etadi, — dedi Saroyshiq muzey-qo‘riqxonasi direktori Muxtar Abilseyit.
Atirau viloyatida tabiiy favqulodda holat e’lon qilindi. Hozirgi vaqtda Inderskiy, Maxambetskiy tumanlari va Ural bo‘yida joylashgan Atirau shahrida to‘g‘onlar qurish va qirg‘oqlarni mustahkamlash ishlari olib borilmoqda.
Izoh (0)