Nikaragua BMTning oliy sudidan Germaniyada ishlab chiqarilgan qurollarni Isroilga sotishni to‘xtatishni so‘radi. Bu haqda BBC xabar berdi.
2023-yilda Isroil uchun umumiy qiymati 300 million yevroga teng harbiy texnika xaridining 30 foizi Germaniyadan kelgan. Bu bir yil oldingiga nisbatan 10 barobar ko‘p.
Ma’lum bo‘lishicha, Berlin Isroilga harbiy texnika jo‘natib, genotsidning oldini olish bo‘yicha BMT konvensiyalarini buzganlikda va UNRWA ga yordamni to‘xtatganlikda ayblanmoqda.
Germaniya o‘ziga qo‘yilgan ayblovlarni rad etgan va 9-aprel kuni Xalqaro sudda o‘z himoyasini taqdim etish niyatida.
Nikaraguaga ko‘ra, Germaniyaning Quddusga qurol sotishi uni Isroil urush jinoyatlariga sherik qilib qo‘ygan. Nikaragua Berlindan qurol savdosini to‘xtatish va UNRWA ni moliyalashtirishni tiklashni talab qilmoqda.
Avvalroq bir guruh davlat xizmatchilari kanslerga maktub yo‘llab, hukumatni Isroil hukumatiga qurol yetkazib berishni zudlik bilan to‘xtatishga chaqirgan.
Izoh (0)