O‘rganishlar natijasida joriy yilning o‘tgan yanvar, fevral va mart oylarida 1315 ta ro‘yxatdan o‘tmagan holda qurilish-montaj ishlari olib borilayotgan qurilish obyektlari aniqlangan. Bu haqda Qurilish vazirligi axborot xizmati “Daryo”ga ma’lum qildi.
Mazkur 1315 ta obyektning 672 tasi belgilangan tartibda inspeksiyadan ro‘yxatdan o‘tkazilgan.
Ro‘yxatdan o‘tmagan 643 ta obyektlarga nisbatan tegishli choralar ko‘rish ishlari olib borilmoqda.
Jumladan:
- Qoraqalpog‘iston Respublikasi — 13 ta,
- Andijon viloyati — 121 ta,
- Buxoro — 25 ta,
- Jizzax viloyati — 2 ta,
- Qashqadaryo — 42 ta,
- Namangan viloyati — 17 ta,
- Navoiy viloyati — 45 ta,
- Samarqand viloyati — 76 ta,
- Surxondaryo viloyati — 7 ta,
- Sirdaryo viloyati — 6 ta,
- Toshkent viloyati — 135 ta,
- Farg‘ona viloyati — 46 ta,
- Xorazm viloyati — 51 ta
- Toshkent shahri — 57 ta obyekt.
Ma’lumot uchun, o‘tgan 2023-yil davomida 3 ming 626 ta ro‘yxatdan o‘tmagan holda qurilish-montaj ishlari olib borgan qurilish obyektlari aniqlangan.
Izoh (0)