Muayyan rolni ishonchli va mahorat bilan ijro etish uchun aktyorlar imkon qadar film qahramoni uchun odatiy harakatlarni bajara olishi kerak. Quyida buning uddasidan chiqish uchun yangi ko‘nikmalarni o‘rganishga uzoq vaqt mehnat qilgan aktyorlar bilan tanishamiz.
- Margo Robbi — Konkida uchish
AQSHda 2017-yilda premyerasi bo‘lib o‘tgan “Men, Tonta” filmi uchun aktrisa Margo Robbi uch oy davomida konkida uchishni o‘rgangan.
- Uma Turman — Kung-fu va yapon tili
“Billning qotili” filmidagi roli uchun aktrisa Uma Turman kung-fu jang san’atining uchta uslubini, qilichbozlikning ikkita uslubini, qo‘l jangi ko‘nikmalarini hamda yapon tilini o‘rgangan.
- Brayan Krenston — Amfetamin tayyorlash
“Egrilik sari” teleserialida giyohvand moddalar sotuvchi o‘qituvchi Uolter Uaytni o‘ynagan aktyor Brayan Krenston amfetamin psixostimulyatori tayyorlashni o‘rgandi.
- Tom Kruz — Vertolyotda uchish
Gollivud aktyori Tom Kruz “Uddalab bo‘lmas topshiriq: Oqibat” filmidagi roli uchun vertolyotda uchishni o‘rgangan.
- Keyt Uinslet — Suvga sho‘ng‘ish
Keyt Uinslet “Avatar-2” filmidagi roli uchun suvga uzoq vaqtga sho‘ng‘ish va nafasini yetti daqiqadan ko‘proq ushlab turishni o‘rgandi.
- Natali Portman — Balet
“Qora oqqush” filmidagi roliga tayyorgarlik ko‘rish uchun aktrisa Natali Portman kuniga sakkiz soat balet mashg‘ulotlari bilan band bo‘lgan va har kuni bir necha kilometrga suzgan.
- Jennifer Lourens — Hayvon terisini shilish
Jennifer Lourens “Qish suyagi” filmini suratga olish chog‘ida o‘lik olmaxonning terisini shilishni o‘rgangan.
- Jozef Gorden-Levitt — dorda yurish
Jozef Gordon-Levitt “Sayr” filmidagi roli uchun kanatda arqon bo‘ylab yurishni o‘rgangan.
- Timoti Shalame — Italyan tilda so‘zlashish
“Meni ismingiz bilan chaqiring” filmidagi obrazi uchun aktyor Timoti Shalame italyan tilini, pianino va gitara chalishni o‘rgandi.
- Danay Gurira — Qilich bilan jang qilish
“Yuradigan o‘liklar” serialidagi roliga tayyorgarlik ko‘rish uchun Danay Gurira qilichbozlik san’atini o‘rganib oldi.
- Kichik Robert Dauni — Skripka chalish
Robert Dauni 1992-yilda Richard Attenboroning “Chaplin” filmidagi bosh roli uchun skripka chalishni o‘rgangan. Film uch marta “Oskar” nominatsiyasiga sazovor bo‘lgan.
- Chenning Tatum — Chechyotka raqsi
Chenning Tatum “Yashasin, Sezar!” filmidagi roli uchun irland milliy raqsiga tushishni o‘rgandi. U filmning olti daqiqalik raqs qismi uchun uch oy vaqt sarfladi.
Izoh (0)