Navoiyda noqonuniy baliq ovlaganlar tabiatga 10 million so‘mdan ziyod zarar yetkazdi, deb xabar bermoqda Ekologiya vazirligi axborot xizmati.
Ma’lum qilinishicha, Navoiy viloyati Ekologiya boshqarmasi Qiziltepa tuman bo‘limi tomonidan navbatdagi reyd tedbiri o‘tkazildi. Reyd davomida tumandagi “Oqsoch” MFY hududida fuqarolar G‘.SH., R.I. va N.L. qo‘lbola usulda yasalgan elektr qarmoq yordamida baliq ovlagani aniqlandi.
Huquqbuzarlik natijasida tabiatga 10 million 200 ming so‘m zarar yetkazilgani aniqlandi. Holat yuzasidan Ma’muriy javobgarlik to‘g‘risidagi kodeksning 90-moddasi 4-qismi bilan ma’muriy bayonnoma rasmiylashtirilib, tegishli chora ko‘rish maqsadida hujjatlar tuman sudiga yuborildi.
Ma’lumot uchun, 10-martdan boshlab respublikaning barcha hududlaridagi tabiiy suv havzalarida baliq ovlash taqiqlanmoqda. Xususan, Amudaryo va Sirdaryo suv havzalarida 10-martdan 31-mayga qadar, Qoraqalpog‘iston Respublikasi va Xorazm viloyati suv havzalarida 25-apreldan 10-iyunga qadar va boshqa barcha suv havzalarida 16-apreldan 31-mayga qadar baliq ovlash mumkin emas.
Izoh (0)