Rossiya Federatsiyasining “Roskosmos” kompaniyasi kelajakdagi Rossiya orbital stansiyasining dastlabki loyihasini tasdiqladi. Bu haqda “TASS” nashri xabar berdi.
“Rossiya orbital stansiyasining dastlabki loyihasi “Roskosmos” davlat korporatsiyasi tomonidan maʼqullandi”, — deyiladi rasmiy xabarda.
“Roskosmos” va asosiy pudratchilar stansiya qurish bo‘yicha davlat shartnomalarini tuzish jarayonida ekanligi xabar qilingan. Shartnomadan so‘ng amaliy harakatlarga ko‘chiladi.
“Roskosmos”ga ko‘ra, taklif etilayotgan orbital majmua Xalqaro kosmik stansiya (XKS) o‘z vazifasini bajarib bo‘lgach, Rossiya milliy kosmik dasturining asosi bo‘lib xizmat qiladi.
Manbaga ko‘ra, stansiyaning qurilishi 2027—2032-yillar oralig‘ida amalga oshiriladi. Ushbu stansiya ekipajsiz ishlay oladigan zamonaviy qurilmalar bilan jihozlanadi.
Izoh (0)