Qancha iste’mol qilsangiz ham semirtirmaydigan 15 ta mahsulot

Aksariyat insonlar o‘zini mazali tamaddidan chegaralamay vazn yo‘qotish murakkab deb o‘ylaydi, lekin parhez tutganda mazali va foydali yeguliklar bilan o‘zni siylash ham mumkin. Tabiat in’om etgan xilma-xil meva va sabzavotlar, o‘simliklar hamda dengiz mahsulotlari sog‘lom turmush tarzini davom ettirishda yordam beradi. Quyida ham mazali, ham juda kam kaloriyali (maksimum 100 gacha) bo‘lgan 15 xil mahsulotni ko‘rib chiqamiz.

Sarsabil

Ushbu mahsulot sabzavot va manzarali ekin bo‘lib, O‘zbekiston tabiatida uning ikki turi uchraydi. 5 dona katta hajmdagi sarsabil umumiy miqdorda 20 kilokaloriya ozuqaviy qiymatga ega. Sarsabil turli souslar bilan birga iste’mol qilinadi.

Edamame loviyasi

Edamame — bu yashil rangli pishmagan loviya novdasining bir turi bo‘lib, oqsil, E vitamini, kletchatka kabi ozuqaviy moddalarga boy. Taxminan 100 gramm mahsulotda 63 kilokaloriya: 4,7 gramm oqsil, 6,3 gramm uglevod va 2 gramm yog‘ mavjud. Sharqda uni soya sousi bilan birga iste’mol qilishadi, ammo qo‘shimcha souslar ko‘proq kaloriya berishini unutmaslik lozim.

Dengiz chig‘anoqlari

4-5 dona katta hajmdagi dengiz chig‘anoqlari 89 kilokaloriya ozuqaviy qiymatga ega. Unda 17 gramm oqsil, 2,7 gramm uglevod va 0,9 gramm yog‘ mavjud.

Krevetkalar

Qisqichbaqasimonlarning mazkur mayda turkumi ham juda kam quvvatga ega bo‘lib, 100 gramm mahsulotda 85 kilokaloriya mavjud: 20 gramm oqsil, 0,5 gramm yog‘ va 0 gramm uglevod. Krevetkalarni yog‘da qovurish orqali taom kaloriyasi ortishini hisobga olish yodingizdan ko‘tarilmasin.

Malina

Barcha sevib iste’mol qiladigan ushbu rezavor ham juda parhezbop. 100 gramm malina 50 kaloriya kuchga ega. Unda 1,4 gramm oqsil, 12 gramm uglevod va 0 gramm yog‘ bor.

Qulupnay

Qulupnay ham deyarli kaloriyasi yo‘q mevalar sirasiga kiradi. 100 gramm qulupnay energetik qiymati 36 kilokaloriyadir.

Ananas

100 gramm ananas — taxminan bir piyola tozalangan ananas bo‘laklari tarkibida 57 kilokaloriya bor. Konservalangan va yangi uzilgan ananas energetik qiymati va foydalilik jihati bir-biridan farq qiladi.

Kivi

Bir dona katta kivida 61 kilokaloriya bo‘lib, uning tarkibida apelsinga nisbatan ko‘proq C vitamini mavjud.

Selderey

O‘rtacha nisbatda 2 shox selderey ko‘kati tarkibida 0,7 gramm oqsil, 3 gramm uglevod, 0,2 gramm yog‘ — umumiy 17 kilokaloriya mavjud. Mazkur ko‘kat metabolizmni yaxshilash xususiyatiga ham ega.

Kichik sabzi navi

Bunday turdagi sabzi odatiy sabzavotlardan farq qilmaydi, shunchaki uni iste’mol qilish qulay va tozalashni talab etmaydi. 10 dona kichik sabzining umumiy energetik qiymati 41 kilokaloriyadir.

Qaynatilgan tuxum

1 dona qaynatilgan tuxumda 70 kilokaloriya — 12 gramm oqsil, 10 gramm yog‘ va 0 gramm uglevod mavjud.

Qizil loviya

Qizil loviya parhezshunoslar tomonidan tez-tez taklif etiladigan to‘yimli mahsulot hisoblanadi. 100 gramm qizil loviyada 85 kilokaloriya mavjud.

Yunon yogurti

Pishirish texnikasi odatiy yogurtdan farq qilgani uchun juda kam kaloriyali mahsulot sanaladi. 100 gramm mahsulot energetik qiymati 100 kilokaloriyadir (shakar solinmaganda).

Qizil olma

100 gramm qizil olma tarkibida 53 kilokaloriya: 12,3 gramm oqsil bo‘lib, yog‘ va uglevod mavjud emas.

Tarvuz

Ushbu poliz mahsulotini faqat kech yoz va kuz faslida yeyish tavsiya etiladi. 200 gramm tarvuz tarkibida 42 kilokaloriya mavjud.