Central Asian University 2024/2025-akademik yil uchun hujjatlar qabul qilishni boshladi

Central Asian University 2024/2025-o‘quv yili uchun hujjatlar qabul qilish jarayoni boshlanganini e’lon qiladi. Arizalarni topshirish muddati 2024-yil 26-martdan 20-avgustga qadar davom etadi.

Taʼlim yo‘nalishlari:

Xalqaro mehmonxona boshqaruvi va turizm fakulteti

Shveysariyada bir yil o‘qish: (HTMi) Hotel and Tourism Management Institute Switzerland bilan hamkorlikda ikki tomonlama diplom dasturi jahon mehmonxona boshqaruvi markazida o‘qish uchun noyob imkoniyatni taqdim etadi. Mehmonxona va turizm sohasidagi Shveysariya taʼlimi sanoatning oltin standarti hisoblanib, bitiruvchilar uchun dunyoning istalgan nuqtasida imkoniyatlar eshigini ochib beradi.

Amaliy tajriba va global tarmoq: Biz haqiqiy tajriba mehmonxona va turizm sanoatida muvaffaqiyatli kelajakning kaliti ekanligiga ishonamiz. Hilton Tashkent City, Wyndham Bukhara, Hampton by Hilton Tashkent, Bentley Hotel Tashkent va Wellmore Resort mehmonxonasi kabi soha yetakchilari, shuningdek, KFC Uzbekistan kabi asosiy xizmat ko‘rsatish brendlari bilan mustahkam hamkorligimiz sababli talabalarimiz o‘qishning birinchi bosqichidanoq ushbu yo‘nalishlar bo‘yicha amaliy tajriba orttirishni boshlaydilar. Ushbu amaliy tajriba talabalarga bebaho ustunlik taqdim etadi, shuningdek, ularga nafaqat zarur ko‘nikmalarni shakillantirish, balki o‘qishning birinchi bosqichidan boshlab o‘z professional tarmoqlariga asos solishni boshlash imkonini beradi.

Innovatsion dasturlar va jahon darajasidagi o‘qituvchilar tarkibi: O‘quv rejasi eng yuqori zamonaviy sanoat talablariga mos ravishda ishlab chiqilgan. Bundan tashqari, bizning o‘qituvchilarimiz dunyoning turli burchaklarida - Shimoliy Kiprdan tortib Italiya va Germaniyagacha bo‘lgan boy xalqaro tajribaga ega taniqli mutaxassislardir. Ularning akademiyadagi ko‘p yillik tajribasi hamda mehmonxona va turizm sanoatidagi bevosita faoliyati o‘quvchilarimizga bugungi bozorda dolzarb va talabgir hisoblanuvchi bilim va ko‘nikmalarni egallashi imkoniyatini kafolatlaydi.

Xalqaro karyera: Central Asian University ga o‘qishga kirish orqali siz mehmonxona sanoati sohasida dunyodagi yetakchi kompaniyalar uchun ustunlikka ega nomzodga aylanasiz. Bu hashamatli mehmonxonalar, yuqori sifatga ega restoranlar, yirik sayyohlik agentliklari yoki xalqaro kurortlarda muvaffaqiyatli karyera boshlash uchun ajoyib imkoniyatdir. Xalqaro muhitda taʼlim olish va Shveysariyada o‘qish imkoniyati bebaho madaniy tajribalarni taqdim etadi. Siz ko‘p madaniyatli muhitda ishlashni o‘rganasiz, bu esa globallashgan mehmonxona va turizm olamida asosiy ko‘nikma hisoblanadi.

Hujjatlar quyidagi yo‘nalishlar bo‘yicha qabul qilinadi:

Turizm va mehmonxona boshqaruvi maktabi (ikki tomonlama diplom taqdim etuvchi dastur CAU+HTMi Shveysariya) — mutaxassislik bo‘yicha bakalavr darajasini beradi. (Bachelor of Arts, sanʼat sohasida bakalavr).

Biznes maktabi:

Ikki tomonlama diplom taqdim etuvchi xalqaro taʼlim: CBS International Business School (Germaniya) bilan ikki tomonlama diplom beruvchi dasturlar doirasida hamkorlik talabalarga jahon taʼlim hamjamiyati sari imkoniyat eshiklarini ochadi. Bir yil davomida chet elda tahsil olib, talabalar nafaqat ikkita diplom, balki bebaho xalqaro tajribaga ega bo‘lib, dunyoqarashlarini kengaytirib, global raqobatga bardoshli bo‘lish qobilyatini oshiradilar.

Global tarmoq va karyera imkoniyatlari: Akademik bilimlar, amaliy tajriba va xalqaro aloqalar tarmog‘ining o‘ziga xos kombinatsiyasi CAU Biznes maktabi bitiruvchilariga xalqaro biznes landshaftiga muvaffaqiyatli integratsiyalashish imkonini beradi va ular uchun ulkan karyera istiqbollarini ochib beradi.

Bir qator innovatsion laboratoriyalar orqali amaliy taʼlim va kasbiy rivojlanish uchun noyob imkoniyatlar. Har bir laboratoriya talabalarga sohaga tegishli mavzular va loyihalarni chuqur o‘rganish, shuningdek, bugungi dinamik biznes dunyosida muvaffaqiyatli karyera qurish uchun zarur amaliy ko‘nikmalarni egallashga yordam beruvchi platformani taklif etadi.

Bloomberg Lab. Bloomberg dasturiy taʼminotiga ega laboratoriya talabalarga real moliyaviy maʼlumotlar va tadqiqot vositalaridan foydalanish imkonini beradi. Bu yerda ular bozor dinamikasini o‘rganishlari, aktsiyalarni tahlil qilishlari va investitsiya portfellarini boshqarishlari mumkin, bularning barchasi kelajakdagi faoliyat uchun juda foydalidir.

AI Lab CAU talabalariga nafaqat sunʼiy intellektning nazariy jihatlarini o‘rganishni, balki ularni o‘z startap loyihalari doirasida amaliyotga tadbiq etishni ham taklif qiladi. Tajribali professorlar va tadbirkorlar rahbarligida talabalar AI va avtomatlashtirilgan taʼlimdan foydalangan holda innovatsion yechimlarni ishlab chiqishlari mumkin.

Export Lab talabalarni xalqaro biznes strategiyalari va eksport operatsiyalarini amalga oshirishga tayyorlashga qaratilgan. Mahalliy biznes bilan loyihalar ustida ishlash orqali talabalar global bozorlarni tahlil qiladilar va xalqaro maydonga chiqish uchun keng qamrovli strategiyalarni ishlab chiqadilar.

Hujjatlar quyidagi yo‘nalishlar bo‘yicha qabul qilinadi:

• Buxgalteriya hisobi va moliya fakulteti — B.S. darajasini taqdim etadi.
• Iqtisodiyot fakulteti — B.S. darajasini taqdim etadi.
• Marketing fakulteti — B.A. darajasini taqdim etadi.
• Xalqaro biznes fakulteti — B.A. darajasini taqdim etadi.
• Xalqaro biznes fakulteti (Ikki tomonlama diplom taqdim etuvchi dastur CAU + CBS International Business School Germany) —  B.A. darajasi beriladi.
• Ingliz tilini o‘qitish va taʼlimni boshqarish fakulteti — B.A. darajasini taqdim etadi.
• Logistika fakulteti (Ikki tomonlama diplom taqdim etuvchi dastur CAU + CBS International Business School Germany) - B.A. darajasini taqdim etadi.

Tibbiyot maktabi

Ilg‘or tibbiy ta’lim tizimini o‘zida mujassam etgan holda, u chuqur bilimga, ajoyib mahoratga va bemorlarga nisbatan iliq munosabatga ega malakali shifokorlarni tayyorlashga intiladi. Olti yillik dastur fundamental kurslar, asosiy tibbiyot fanlari, klinik fanlar va amaliyotni o‘z ichiga oladi).

CAU tibbiy simulyatsiya markazi zamonaviy o‘quv maydoni bo‘lib, bu yerda talabalar tibbiy amaliyotdagi ish sharoitlarini taqlid qiluvchi real caseʼlarni stimulyatsiya qilish orqali amaliy ko‘nikmalarga ega bo‘lishadi. Zamonaviy simulyatsiya markazi va tajribali o‘qituvchilar talabalarga haqiqiy tibbiy amaliyotga juda yaqin amaliy ko‘nikmalarni xavfsiz va samarali o‘rganish imkonini yaratadi.

Talabalar amaliy mashg‘ulotlarni diagnostika, davolash va murakkab operatsiyalar uchun zamonaviy asbob-uskunalar bilan jihozlangan Markaziy Osiyodagi birinchi va eng yaxshi universitet klinikalaridan biri — Akfa Medline da o‘taydilar. Muvaffaqiyatli stajirovkadan so‘ng talabalar ushbu nufuzli muassasada ishga joylashish imkoniyatiga ega bo‘lib, tibbiyot sohasida ajoyib  karyera boshlashlari mumkin.

Hujjatlar quyidagi yo‘nalishlar bo‘yicha qabul qilinadi:

• Tibbiyot maktabi - M.D. darajasini taqdim etadi. (Doctor of Medicine, Tibbiyot doktori).

Stomatologiya maktabi

DDS (Doctor of Dental Surgery) dasturi talabalarga klinik stomatologiya bilan shug‘ullanish uchun zarur kasbiy ko‘nikmalarni shakillantirishga qaratilgan besh yillik dasturdir. Taʼlim ingliz tilida olib boriladi, dastur implantologiya va lazer stomatologiyasi bo‘yicha samarali kurslarni o‘z ichiga oladi, bu esa o‘z navbatida bitiruvchilarga stomatologiya sohasida universal mutaxassis va tadqiqotchi bo‘lib yetishish imkonini beradi.

CAU stomatologiya maktabi xalqaro kirish imtihonlariga tayyorgarlik ko‘rish, akademik maslahat berish va chet elda muvaffaqiyatli karyeraga ega bo‘lish uchun mahorat darslari va turli seminarlarni ham tashkil etadi. Zamonaviy simulyatsiya markazida talabalar haqiqiy bemorlar bilan ishlashdan oldin simulyatorlarda amaliy tajriba orttiradilar. Tajribali o‘qituvchilar qo‘li ostida tahsil olish o‘zingizga bo‘lgan ishonch va professionallikni rivojlantirishga yordam beradi.

ADEE (Association of Dental Education in Europe): Central Asian Univeristy ADEE — Yevropadagi stomatologik taʼlim assotsiatsiyasi bilan hamkorlik yo‘lga qo‘yishga muvaffaq bo‘lgan yagona oliy ta'lim muassasasidir. Ushbu hamkorlik xalqaro mukofotlar, grantlar, almashinuv dasturlari, raqamli stomatologik taʼlim resurslari, shuningdek, butun dunyo bo‘ylab professorlar tomonidan o‘qitiladigan vebinarlarga kirish imkonini beradi. ADEE ga aʼzolik, shuningdek, talabalar tajribasini boyitib, ularning kasbiy dunyoqarashini kengaytirishga yordam beradigan boshqa taʼlim muassasalari bilan dasturlar va talabalar almashinuvi uchun imkoniyatlar ochib beradi.

Hujjatlar quyidagi yo‘nalishlar bo‘yicha qabul qilinadi:

• Stomatologiya - D.D.S. darajasini taqdim etadi. (Doctor of Dental Surgery, stomatologik jarrohlik doktori).

Muhandislik maktabi

CAU qoshidagi muhandislik maktabi talabalarga O‘zbekiston sanoatining boʼlajak yetakchilarini tarbiyalash uchun mo‘ljallangan shaxsiylashtirilgan individual taʼlim yondashuvini taqdim etadi.

Talabalar hayoti maʼruzalar, amaliy mashʼulotlar, laboratoriya ishlari, shuningdek, loyiha topshiriqlari, tanlovlar, ko‘rgazmalar va seminarlar kabi ko‘plab qiziqarli voqealardan iborat. Ushbu tadbirlarda ishtirok etish talabalarga qimmatli tajriba orttirish va fikrlash qobiliyatlarini rivojlantirish imkonini beradi. Bundan tashqari, talabalar xalqaro ilmiy loyihalar va almashinuv dasturlarida faol ishtirok etadilar.

Amaliy tajriba: Muhandislik maktabi talabalari eng so‘nggi uskunalar va zamonaviy dasturiy ta’minot bilan jihozlangan Artel IT & RND Center’da o‘qish va amaliyot o‘tashdek ajoyib imkoniyatga ega. Markaz yetakchi innovatsion hub bo‘lib, u yerda talabalar o‘z bilimlarini amaliyotga tatbiq etishlari, muhandislik sohasidagi karyerlariga muvaffaqiyatli start berish uchun tadqiqot va tajribalar o‘tkazishlari mumkin.

Hujjatlar quyidagi yo‘nalishlar bo‘yicha qabul qilinadi:

Muhandislik maktabi, shu jumladan:

- Sanoat muhandisligi fakulteti — bakalavr darajasini beradi B.S. (Bachelor of Science, ilm-fan bakalavri).

- Biotibbiyot muhandisligi fakulteti — bakalavr darajasini beradi B.S.

- Kompyuter fanlari fakulteti — bakalavr darajasini beradi B.S.

- Arxitektura va dizayn fakulteti — bakalavr darajasini beradi B.S.

Hujjat taqdim etish talablari

Biz xalqaro muhitda sifatli taʼlim olish va rivojlanishni istovchi barchani ariza topshirishga taklif qilamiz. Ariza topshirish uchun pasportning elektron nusxasi, o‘rta taʼlim to‘g‘risidagi shahodatnoma yoki diplom, 3,5x4,5 o‘lchamdagi fotosurat va IELTS yoki unga tenglashtirilgan ingliz tili imtihon natijalarini taqdim etishingiz lozim.

Hujjatlar onlayn formatda: centralasian.uz sayti orqali qabul qilinadi.

• Qabul komissiyasining aloqa maʼlumotlari:
• Call-markaz: 71 200 05 22, 71 208 12 34
• Elektron pochta manzili: admission@centralasian.uz
• Telegram bot: https://t.me/CAU_Admission_Bot

Reklama huquqi asosida.